الموضوع: .borsaegypt cafe
عرض مشاركة واحدة
قديم 11-01-2009, 12:06 AM   #615
iron man سابقا
محلل فنــى وخبير باسواق المال ومحلل اقتصادي بجريدة اخبار اليوم
 
الصورة الرمزية احمد مبروك
كاتب الموضوع : احمد مبروك المنتدى : التحليل الفنى والمالى و المتابعة اللحظية قديم بتاريخ : 11-01-2009 الساعة : 12:06 AM
افتراضي

حضنك يا بلدى


على فين رايـح يا مصرى ...
هاجر بلـدك لمين
إياك تقول ولا عمرى هيغلبني الحنين
لا....
واللى خلق الخلق ما راح تبعد سنين
لازم بـُـكره ترجع هنا تاني
صدقِت لما قالت
ما لحظه تقدر تنساني
دموعك تسيل على خد الفرح
تنزف غربة قلب اللى انجرح
على اللى فات من عُمرك حزين
تايه .. غريب فى البلاد
تفتش عن لحظة حنين
ولا عمرك هتلاقى الأمان إلا فى حضن الطيبه أمك
مين غيرها ليك تفرد دراعاتها تحضنك و تضمك
يا مصرى
مصر ... بلدى
و نيلها بيجرى فى دمك
كلنا من
أم واحده
دم واحد
حزن واحد فرحه واحده
دواره الأيام قــٌـلبات طواحين
والغــُربه نـــار
فى قلب العمر تنسرق منك سنين
تأسى الأيام علينا مهما تأسى
يمكن من أللمك وحزنك لحظه تنسى
بس هى فاكره ولا عمر الأم تنسى
تنادى بعلو صوتها
يا أعز الولد ولـد ولادي
نلبى الندا
فداك الفدا
تهوى النفس ليكي
مأنت مولدى و مماتى
ضحكـتى و أهااتى
ولا عمرك هتلاقى الأمان إلا فى حضن الطيبه أمك
مين غيرها ليك تفرد درعاتها تحضنك و تضمك
لملمى الحيرنين
فى ليل الوحده الحزين
أصرخى يا بلدى
فى المدائن متغربين
يتجمعوا ولادك الطيبين
الغريب منــِك والبعيد
لحضنك مشتاقين
قول معاى يا مصرى خليك هنا
قول يا بلدى ...
يا أمى ومن غيرك لنا
قول ..
انا مش غريب
ولا عمرى هندفـن فى الضلمه وحيد
كل حبة رمله فى أرضنا
عود برسيم
فرط العنب
إن شا الله حتى كيله واحده من قمحنا
احنا أولى الكل بحقنا
لا عمرنا هنهجر أمنا
ولا هيغـفل فى الغربه جفننا
لا راحه ولا لحظة رضا
طول ما احنا بعيد عن أرضنا
طول ما الأندال
بيبيعوا فى عرضنا
مش مهـم مين أشترى
أصل التمن رخيص ولو زاد الغلا
نيل وأرض وخصخصة
غرسوا الحزن فى ابتسامة فرحنا
شوفنا أيه .. إزاى
عجب العجاب
ده الاوساخ باعوا حتى الهوا
إبن الإنجليزى وأخو كنعان
طمعان ولو فى دمعة فجرنا
مهو الحق فى الأصل مش عندنا
ما لقوش غير عبد الظلم
الخاين بيبيع دمنا
زمن كان ماشى بالمقلوب
ينضحك علينا ..
نفرح
والله عليك احسنت
ننسرق بأدينا
رضينا الصمت
نهتف للخير
بصوت مبحوح
نهتف من قلب
مات مجروح
اندفن مع كلمة حق
فى قبر ظلم ورواح
وأتاريه ميت
مقبوض من دهر
من الخوف والقهـر
صبحت بطون الأمهات قـبـر
ما بينولد منها الحـــر
لكــــن ..
بشرفك يا بلدى
من اليوم وبكره
وقبله من امبارح
ما فيش غير النور
ولا عوده للخاين اللى رايح
. . . .
هنا ولادك الطيبين
واقفين بدرع الحق متنبهين
وسهام فى قلب الطمعيين
أنا الجندى المصرى العظيم
أنا الجنينى
فى أرضك الطيبه أروى
ولو عرقى كد
راح أرويها بدمي
تطرح شبابك الجدعان ....
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=368731
الأسم مصرى
الخير لأهلى
حلمى اسمٌع الكل بنصرى
ماهو فى الأصل خصرى
لعود الربيع مهما انحنى
لازم هيجى يوم الحق ينفرد
طالل لفوق عالى ناضر للسما
رافع هامته
بيده السيف
يدبح الظلمه
أصحاب الكيف
يمحى الكفره بحُبك
أهل الزيف
وكفايا نشوف كام واحد ماتوا بلاش
كان أولى الخسيس يندفن
والحق هو اللى عاش

قصيدة لآخى الكريم ديفيفرانس

 


اخبار مصر - الذهب - تحويل العملات
فوركس - تجارة فوركس
توقيع

اللهم انت ربى لا اله إلا انت
خلقتنى وانا عبدك وانا على عهدك ووعدك ما استطعت
استغفرك اللهم من كل ذنب وخطيئت
وأتــــــــوب إليك


احمد مبروك غير متواجد حالياً

 

رد مع اقتباس