الموضوع: فضفضة
عرض مشاركة واحدة
قديم 11-16-2009, 09:13 AM   #17
 
الصورة الرمزية mhmdmkrm
 

كاتب الموضوع : أبو رفيدة المنتدى : التحليل الفنى والمالى و المتابعة اللحظية قديم بتاريخ : 11-16-2009 الساعة : 09:13 AM
افتراضي

اقتباس : المشاركة الأصلية كتبت بواسطة شهاب مشاهدة المشاركة [ مشاهدة المشاركة ]
واسمح لى ان اكون اول المفضفضين
انا استقرت فى مصر بعد طول غربة وياما كنت بحلم باليوم ده وكنت متخيل الامور سهلة وبسيطة بمعنى
استطيع ان استقر واعمل اي مصلحة فى بلدى واعيش وسط الاهل والاصحاب
بس للاسف صدمت بالواقع فى مصر لما استقرت وعيشت وسط الاهل والاصحاب لقيت ناس غير الناس
حتى الاخلاقيات اتغيرت كل شئ اتغير وطبعا كل ده ومعملتش اي مصلحة وعايش دلوقتى انا واسرتى
يمكن فى شبه انطوائية تماما لانى غاية دلوقتى مش قادر اتاقلم مع غربتى الجديدة
ويمكن انتوا اللى واحدين فى هذا المنتدى اللى بكلم معهم غير السوبر ماركت وبتاع الخضار والدكتور
ومحطة البنزين شئ يحزن مش كدة
اسف اذا كنت ازعجتكم بكلامى ده
واسف على الاطالة
بس اي حد عنده فكرة مصلحة يقولى عليها
وشكرا لكم

شوف يا طويل العمر
الله يعطيك الف عافيه
نبارك الأول لأخونا أبو رفيده على الباب اللى فكرته جميله
و لأنه باب خير و متنفس صدق
فلازم يكون من صاحب القلب الطيب أبو رفيده
و باقولك يا شهاب باشا
أنا زيك بالظبط و اعتبرنى أخوك الصغير
أنا زهقت برضه من الغربه رغم انها مش فتره طويله
و نويت من مده انى أرجع مصر و استقر فى بلدى
و صليت استخاره على الاستقاله و الرجوع لمصر
و فعلا استقلت و قلت يا رب لو فيه خير فى الرجوع لمصر
يبقى توفيقك يا رب و مساعدتك و لو مافيش يبقى الخير من عندك يا رب
و دعاء الاستخارة المعروف
المهم ما طولش عليك
معداش يومين الا و جالى عرض لشغل تانى فى السعوديه برضه
براتب أعلى و مكان أكبر و شركه بحلم بيها
قلت الخيره فيما أختاره الله و بظبط أمورى على الاستمرار
طبعا بعد ما أنهى اجراءات الاستقاله و انزل أجازه و أرجع تانى بأمر الله
القصد يا باشا مش دا موضوعنا
أنا كنت مجهز برنامج فى مصر فى حالة العوده
حابب أقولك عليه يمكن تطلع منه بحاجه

أول حاجه المحافظه على صلاة الجماعه فى أقرب مسجد
و المحافظه على ورد يومى من القرآن

تانى حاجه ساعه رياضه و جيم (انت عارف الخليج يعنى كبسه و مندى و زيادة وزن)

تالت حاجه دورة تحليل فنى مع الأستاذ عمرو محمد أو الأستاذ وليد هلال حسب الوقت و المكان

رابع حاجه دراسة ادارة المشروعات بالجامعه الأمريكية و الحصول على شهادة pmp حاجه كده زى دبلومه امريكية معتمده

خامس حاجه لو قدرت أخد شوية كورسات انجليزى يبقى زى الفل

سادسا و أخيرا و دائما صلة زوى رحمى و خصوصا الذين قصرت فى حقهم أو قصروا فى حقى بسبب الغربة أو لأى سبب أخر

طبعا كل ده مع الإهتمام بالبيت و فسحة الأولاد و خلافه

و الكلام ده كان خطه لمدة ست شهور و بعده أقيم التجربة
و أشوف إذا كنت هابدأ أدور على شغل فى مصر و و اللا هارجع للسفر تانى

ع العموم بالتوفيق يا باشا و ان شاء الله المسألة مسألة وقت و كله هايبقى تمام
آسف للإطاله و تقبل تحياتى و خالص أمنياتى بالتوفيق

 


اخبار مصر - الذهب - تحويل العملات
فوركس - تجارة فوركس
توقيع

  • لا تفكرفي المفقود حتى لا تفقد الموجود
  • من اشترى ما لا يحتاج إليه باع ما يحتاج إليه


mhmdmkrm غير متواجد حالياً

 

رد مع اقتباس