عرض مشاركة واحدة
قديم 12-01-2009, 06:15 PM   #8
 

كاتب الموضوع : shico المنتدى : التحليل الفنى والمالى و المتابعة اللحظية قديم بتاريخ : 12-01-2009 الساعة : 06:15 PM
افتراضي رد: الحمله القوميه لمناهضه ماجد شوقى

اخى الكريم /shico


متهيألى إن فكرة أرقام تليفونات الوزراء مش هتكون مجدية لأن الأرقام ممكن متكونش صحيحة

و ان كانت صحيحة مش هيرد

و ان رد هايقوللك كلمتين مالهموش لازمة من عينة هاندرس الموضوع

و لكن ينبغى ان احنا نجبرهم على دراسة الموضوع و على اتخاذ قرارات ترضينا

ومتهيألى ده مكن يحصل لو احنا بعتنا شكاوى لصحف المعارضة كل واحد يحاول يبعت شكوى مجملة

عن معاناته فى البورصة و خسارته التى تسبب فيها الغراب بقراراته الغبية و نستحثهم فى نهاية الشكوى

على فتح تحقيق متواصل فى جرائدهم لكشف فضائح و عجائب البورصة المصرية و رئيسها الغبى

و أنها لا تدار بأى شفافية و لا تعرف عنها أى حاجة و كل مايقال عن ذلك هو كذب و بهتان

و طبعا الصحافة قادرة على إثارة هذا الموضوع و جعله قضية رأى عام و ده اللى ممكن يجبر المسؤلين على التحرك

كمان لازم الموضوع نثيره فى الفضائيات والبرامج الجماهيرية

زى العاشرة مساءا

و 90 دقيقة

و الحقيقة

و قناة الجزيرة

و أى برنامج نعرف إنه ممكن يوصل صوتنا للمسؤلين فى البلد دى وينشر فضائح بورصتنا المحروسه على الملأ

وازاي إن سهمين ليهم شهادات ايداع في لندن بيمثلوا تلت المؤشر وبيطلعوه وينزلوه بمزاجهم

وكل مصالح الناس ورزق عيالهم تبقى لعبه في ايديهم والنصب والنهب عندنا بقى أمر عادي و على عينك يا تاجر
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=408977

بس عاوزين كل واحد يشارك و لو حد ليه معارف شغالين في البورصة يقول لهم يشاركو معانا بالمستندات والادله

اللي ممكن توصل لايديهم

وكمان كلنا ننشر الكلام ده في المنتديات الاخرى ويكتب ايميلات الصحف اللي انا هكتبها في المشاركة الجايه لعل وعسى

يكلل الله جهدنا بالنجاح ونقدر نغير حاجه واحده غلط في حياتنا ونكون ايجابيين مرة واحده ونبطل ندعي ربنا واحنا قاعدين

في بيوتنا وعلى القهاوي

ولا يحقرن أحد من أمر هذه الشكوى اللي بإذن الله هتعمل لهم صداع في دماغهم وهتقلبهم الدنيا


ارجو من الادارة الكريمة تثبيت الموضوع لاهميته لنا جميعا




 


اخبار مصر - الذهب - تحويل العملات
فوركس - تجارة فوركس
توقيع

لا إله إلا أنت سبحانك إنى كنت من الظالمين


طالب المغفرة غير متواجد حالياً

 

رد مع اقتباس