عرض مشاركة واحدة
قديم 12-11-2009, 09:05 PM   #36
iron man سابقا
محلل فنــى وخبير باسواق المال ومحلل اقتصادي بجريدة اخبار اليوم
 
الصورة الرمزية احمد مبروك
كاتب الموضوع : احمد مبروك المنتدى : التحليل الفنى والمالى و المتابعة اللحظية قديم بتاريخ : 12-11-2009 الساعة : 09:05 PM
افتراضي رد: تريدات تريدات وإللى جاى أحسن من إللى فات

اقتباس : المشاركة الأصلية كتبت بواسطة ashrafgalal مشاهدة المشاركة [ مشاهدة المشاركة ]
أخي العزيز

عندي بعض المقترحات لحضرتك ممكن تقبلها او ترفضها او تناقشها و في النهايه الباب بابك و لك مطلق الحريه.
من هذه المقترحات:

1. تثبيبت ميعاد التواجد اليومي - يعني من الساعه كذا الى الساعه كذا كل يوم - ده بيدي ألفه و ود بين الاعضاء و يخلي كل واحد مستني الميعاد كأنه واجب يومي مما يعطي للباب اهميه وشكل جميل.

2. بالاضافه لأسهم التريدات ممكن ترشيح سهم أو أكثر للمتاجره في ذات اليوم مع تحديد نقط الشراء و البيع و وقف الخسارة.

3. عمل احتفال جماعي بعد كل تريده ناجحه لاعطاء كل ذي حق حقه - و اما بنعمة ربك فحدث.

3. توضيح ان الاراء و الاقتراحات مجهود شخصي مبني على اخبار و تحليلات و في النهايه كل واحد مسؤول عن قراره.

4.مشاركة الاعضاء مهمه جدا فاقترح ان يقوم احد الاعضاء بتجميع كل الاسئلة في مكان واحد و تجهيزها ليكون الرد عليها مرة واحده قبل ميعاد الالتقاء اليومي - و ان يقوم اخر بتجميع الاخبار المهمه - و اخر بتجميع اسعار البورصات العالمية و العربية - و هكذا.

انا اسف على الاطالة و لكن كل ده من باب اعجابي بهذا الباب و بفكرته و رغبتي الجاده في المشاركه النافعه للجميع

أخى الفاضل / الأستاذ أشرف جلال طبعا سعيد جدا بمقترحات حضرتك وإللى أنا شايفها بنائه وهتساعد كتير فى تنظيم العمل فى الباب وهبدأ الرد على حضرتك فى كل نقطه نقطه
1) بالنسبة للتواجد اليومي فى الباب انا كده كده تقريبا بكون موجود فى المنتدى صباحا أثناء الجلسه بالرغم من تواجدى فى العمل إلا أنى برضه بحب أنى اكون وسط أحبابى وزملائى أعضاء المنتدى الكرام محاولة لرد جميل المنتدى وأعضائه عليا الفترة اللى فاتت ثانيا بكون متواجد بليل من الساعه التاسعه مساءا تقريبا ولو أتأخرت بتكون عشرة وبفضل فى المنتدى حتى الساعات الأولى من الصباح يعنى تقريبا 12 او واحدة وبرضه هكون سعيد لو لبيت طلب أى عضو أحتاجنى فى أى وقت من اليوم.
2) بالنسبة لأسهم التريدات فالفترة الماضية تقريبا أغلب أسهم السوق بتتحرك فى نفس الوقت من الجلسه سواء هبوطا أو صعودا بس أنا بفضل الدخول فى أسهم تكون قوية فى السيولة بتاعتها عشان نعرف نشترى عن نقطه معينة ونبيع بفضل الله بمكسب فى نقطه معينة ودى بتكون برضه عليها أخبار مستخبيه بحاول أوصلها عن طريق بعض زملائى وأصدقائى وبتكون فى مرحلة التجميع وسبق ليا ترشيح أول سهمين وهما إيكون بسعر شراء 9.20 وبفضل الله كان أقل سعر فى الجلسة ودعم قوى وصريح وتانى سهم رشحناه كان سهم لكح رغم أنه موجود خارج المقصورة وناس كتير بتخاف من خارج إلا أن الخبر بتاعه بتاع أمبارح كان موجود عندنا بفضل الله من قبل العيد وتم عمل أكثر من تريده ناجحة والحمد لله فى السهم وأخر مرة رشحنا السهم كان جلسه الأربعاء وحددنا سعر الدخول 1.78 والحمد لله كان اقل سعر 1.78 وبرضه أن شاء الله هنحدد سعر البيع بتاعه يوم الأحد أن شاء الله وهيكون لينا معاه جولة تانية أن شاء الله.
بالنسبة لترشيح أسهم زيرو فالحمد لله ربنا كرمنا جلسه يوم الخميس ورشحنا سمهين زيرو وهما كانوا العز حديد تسليح وبالم هيلز زيرو وقولنا كمان نتابع تليكوم عند دعمها القوى عند 26.50 والحمد لله عملنا برضه مكسب كويس فى الثلاثة اسهم وتقدر حضرتك تراجع باب المتابعه وتشوف ترشيحاتنا بالوقت والسعر وكلها كانت كرم من ربنا طبعا اولا وأخيرا.
3) بالنسبة لعمل أحتفال جماعى فأنا عن نفسى الحمد لله بعد كل تريدة ناجحة او توقع صائب بحتفل بطريقتى الخاصة بقوم قافل الشاشة وأقوم أصلى ركعتين شكر الله وبعدها مش هقدر أوصفلك سعادتى بتكون ازاى بس برضه لو حضراتكم تحبوا أى طريقه تانيه هكون سعيد بتواجدى معاكو بأى طريقه.

4) بالنسبة لمشاكة الأعضاء وتجميع الأخبار فهى فكرة هايلة طبعا وفى أكتر من عضو أن شاء الله أنا هطلب منهم أنهم يساعدونى فى عمل الباب لثقتى فيهم وعلمى مدى حبهم للمساعدة بس أن شاء الله نتجمع وبرضه انا بحاول اجيب الأخبار ولو بلاقى خبر مهم نتكلم فيه برد عليه وبحلله برضه وهكون سعيد لو حضرتك قولتلى أنته تقدر تعمل ايه وهكون سعيد أكتر بتواجدكم معايا.
أتمنى اكون قدرت أوفى حضرتك فى الرد وتانى مرة سعيد باقتراحاتك كلها ومنتظر أعرف حضرتك تقدر تقوم بأنهى دور وتقوم بيه.
وجارى تجميع أعضاء الفريق فمن يحب الأنضمام إلينا سنكون سعيدين بتواجده بيننا حبا فى المساعدة أخوانه

 


اخبار مصر - الذهب - تحويل العملات
فوركس - تجارة فوركس
توقيع

اللهم انت ربى لا اله إلا انت
خلقتنى وانا عبدك وانا على عهدك ووعدك ما استطعت
استغفرك اللهم من كل ذنب وخطيئت
وأتــــــــوب إليك


احمد مبروك غير متواجد حالياً

 

رد مع اقتباس