عرض مشاركة واحدة
قديم 12-24-2009, 01:53 AM   #59
 
الصورة الرمزية maya2000
 

كاتب الموضوع : diko المنتدى : التحليل الفنى والمالى و المتابعة اللحظية قديم بتاريخ : 12-24-2009 الساعة : 01:53 AM
سيء رد: (( اقوى اسهم المضاربة والميكرات القوية بالسوق ))

انا اسفه يا جماعه انا لقيت الموضوع دهه فى منتدى اخر و حبيت انقله حتى لا يحدث لنا مثل ما حدث للاعضاء هناك و لان منتدانا فيه ناس محترمين فلا يجب ان يكون من بينهم مضلل او كاذب و بعد قراءته اطلب من الاداره النظر فى ايقاف الاعضاء اللى حاولوا ينصحونا و لو سمحت الاداره بنقل باقى الحوار انا مستعده شكرا لتعاونكم لخدمه الاعضاء
اتهمنا كثيرا اننا من المشاغبين الدائمين في باب ديكا وان الراجل يعمل لوجة الله فليه كل السخريه اللي شافها مننا والنقد الدائم

واخيرا والحمد لله تفهمت الاداره ما فعله المدعو ديكا وما حققه من خسائر كبيره جدا لاعضاء المنتدي بعد ما اخد الثقه فيهم بسهم روبكس

وبعدها بدأت رحلة التصريف اليوميه

للاسف عشان نكشف هذا الشخص للجميع قمت انا واخونا هامور وعرينى باضافة الاستاذ ديكا على الميل الموجود بملفه الشخصي

وفهمناه اننا من المناصرين ليه وان ما حدث معه في منتدي بورصة مصر كان بدون وجه حق واننا معجبين جدا بتوصياته

ومستعدين استعداد تام على انه يدير لينا محافظنا الكبيره ويكون ليه نسبة من على ادارة المحافظ


على مدار 3 ايام قدرنا نعرف الاستاذ ديكا ليه اصراره اليومي على الشراء في اسهمه
وليه الالحاح على شراء اسهمه اليوميه رغم اغلاق بابه اكثر من مره بعد التصريف الواضح اللي حصل في الاسهم اللي وصي بيها بعد سهم روبكس
هل من المعقول كل ده لوجه الله رغم التهزئ والتريقه اليوميه اللي كان بياخدها

اسمحولي انقل لكم مقتطفات من حوارنا مع الشخص ( ديكا ) خلال الايام الماضيه وهسيب للاعضاء الحكم على ما يحدث وراء الكواليس
لتلبيسهم والتصريف عليهم من اقذر اشخاص باعوا ضميرهم ولا نامت اعين الجبناء

بالمناسبة هتلاقوا اسم وااحد اسمه مازن اللي هو انا لان طبيعي لا بيطيقنى ولا بطيقه فكان لازم ادخل باسم تانى







liver_2008: السلام عليكم احلى صحبة
mabdallah140: ديكا تقلان علينا ليه
liver_2008: هامور ومازن وعرينى الغاليين
as_love_jass: وعليكم السلام يا كبييير
as_love_jass: سايبنا نناد من الصبح
liver_2008: انا اقدر برضو بس الوصلة كانت معلقة وعندى مايك وسامعكم بس مش عارف مش سامعنى لية

mabdallah140: اخدت القلعه وايكون وايه اي سي
mabdallah140: وخسرت النهارده في الثلاثه
liver_2008: تمام محدش يقلق ايكون محدش يبيع الا لما نشوف هيعمل اية عند ال13 جنية ونص والقلعة عند ال10 جنية
mabdallah140: بس قلبي مطمن عشان ده توصيات الخبير
as_love_jass: انا مخدتش غير 25000 قلعه يا باشا
as_love_jass: ازوووود؟
as_love_jass: ولا فيه سهم جدد
liver_2008: الله يكرمك هامور باشا ووالله مستنى نزولك مصر بفارغ الصبر عاوزين نكون جروب ومحفظة ننافس بيها الكبار زى ما اتفقنا ولا غيرتو رايكو
mabdallah140: لا انا عند راي ده فرصه بالنسبالي مش هضيعها من ايدي
liver_2008: فى اسهم جديدة للغد طبعا كل يوم فى جديد والفرص لا تنتهى
mabdallah140: اكد علي مازن بس
liver_2008: ما احنا هنتقابل ونسهر زى ما اتفقنا فى الليل وساعتها نشوف هنعمل اية بالزبط
as_love_jass: معاكم طبعا قلبا وقالبا
as_love_jass: وربنا يوفقنا لما فيه الخير
mabdallah140: ان شاء الله هنبقي ميكر قوي يحرك اي سهم
liver_2008: ولو اخونا مازن مش حابب ادير المحفظة طبعا كل *** حر فى قرارة
as_love_jass: يا اخ ديكا محفظتى هي محفظتك ده انا ابيع فيلتى وشركتى واسلمهملك
liver_2008: بالزبط ياما ناس قالتلى كدة ومحدش بينفذ مع اننا ممكن نكون ميكر لاسهم اسهمها لا تتعدى 900الف سهم واقل
mabdallah140: يا اخ مازن المدام لو سمعت كده هتزعلك
as_love_jass: المحمد لله اخدت دوا القلب واتخمدت
as_love_jass: الهي ما تقوم
mabdallah140: اه طبعا ده فكره جامده جدا ونتحكم في السوق
mabdallah140: بس لتسمعك تبقي ليله سوده
liver_2008: الله يخليك اخى مازن على ثقتكم دى ووالله ساعمل كل شىء لاجعل محافظكم اضعاف مضاعفة فى زمن قياسى بامر الله
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=441687
as_love_jass: احنا ممكن نمسك سهم خمسات ونفضل نصفر فيه
mabdallah140: كلنا ثقتنا فيك عمياء
liver_2008: الله يخليكو لا عندكو مثلا سهم زى المهندس للتامين اسهمة لا تتعدى ال650الف سهم دة ممكن نبقى احنا الميكر بتاعة بسهولة وغيرة وغيرة
liver_2008: الوطنية للزجاج واللبلور
mabdallah140: يا استاذ مازن احنا لسه هنمسك سهم خمسات عاوزين الاسهم ام 20 ده
liver_2008: اسهم كتير باستطاعتنا ان نتحكم فيها حتى اسيوط
liver_2008: صح كدة شوفتو اس كار عمل اية امس
iver_2008: اكرو مصر مثلا ونيركو اسهم كتير والله ممكن نمسكها ونطلعها السما

liver_2008: وحياة ولادى انا بحلم باليوم دة من زمان وربنا جمعنا ليحقق لى تلك الامنية حتى نكسب كالميكرات الكبار وليس ملاليم الصغار
as_love_jass: واحنا كلنا نفسنا في يوم زي دع
as_love_jass: ده
mabdallah140: تفتكر استاذ ديكا ممكن الحلم يتحقق
as_love_jass: نفسي وبحلم اصحي الصبح اصفر السهم وافضل اجمع فيه بهدوء واغلس على خلق الله واخليهم يبيعولي
as_love_jass: لحد ما ازهقهم في عيشتهم
as_love_jass: واجرري بالسهم
liver_2008: واوعدكو وعد ربنا يحاسبنى علية اى مبلغ هتدهونى ادير بية المحفظة هخلية الضعف فى شهرين فقط لا غير
liver_2008: يعنى لو ارنب اخلية ارنبين ولو ارنبين اخليهم اربع ارانب
as_love_jass: اوبا دي هتلعب يا هاموووور
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=441687
mabdallah140: ونعمل مزرعه ارانب
liver_2008: معلش بتكلم بلهجة اهل الهرم الارانب
mabdallah140: واحقق الحلم وابقي هامور كبيررررررررررررررررررر
liver_2008: وحياتك لاخليك اكبر هامور فى السوق بس ربنا يوفقنا ونتجمع ويتمها على خير
as_love_jass: انا اعرف ان كل اللي في الهرم ميعرفوش غير الارانب
liver_2008: لا والديك الرومى كمان
as_love_jass: طيب ايه رايك في سهم القاهره للخدمات التعليميه
liver_2008: طب تعرفو اية السهم اللى الميكرات مسمينة الديك الرومى
as_love_jass: اسهمه قليله واحنا في ايام مدارس
as_love_jass: ونعرف نجريه
mabdallah140: يا جماعه مش عاوزين نجيب سيره لحد عشان الحسد
as_love_jass: ايه ؟؟؟؟؟؟؟؟؟؟؟؟
liver_2008: طبعا يا هامور باشا دارى على شمعتك تقيد وتزهزة
liver_2008: الشرقية الوطنية للامن الغذائى
liver_2008: الديك الرومى
as_love_jass: اشمعنا يا كبير
mabdallah140: ليه يا باشا
liver_2008: لانه كسبهم مليارات لما طلعوة الى ما يقرب من 350 جنية
liver_2008: واسهمة برضو قليلة
as_love_jass: احنا عاوزين ديك بس
mabdallah140: يا ولاد الايه
as_love_jass: يكسبنا ملايين
mabdallah140: ده احنا هنعدي يا مازن

liver_2008: باذن الله يا هامور هنعدى ونبقى من اصحاب الملايين وفى زمن قياسى بامر اللهبس ربنا يجيبك بالسلامة
as_love_jass: يارب تجي بالسلامه يا هامور
as_love_jass: يا عم انزل بقا عاوزين نشوف شغلنا
mabdallah140: ده انا هاروح اقدم استقالتي الصبح
liver_2008: صحيح يا هامور انت فى السعودية شغل ولا مقيم هناك
mabdallah140: قال الواحد فرحان بالعشين الف ريال الي بياخدهم اخر الشهر
mabdallah140: لا شغل يا باشا
as_love_jass: كفايه انك هتبقي قاعد ف بيتك ومتحكم في سهم
liver_2008: ربنا يكرمك ويوفقك يا زعيم
as_love_jass: احساس فظيع يا هامور
mabdallah140: وامسك السيجاره في ايدي واطلع السهم وانزله براحتي
as_love_jass: لا ياا جميل
liver_2008: ومحدش هيعرف اننا متحكمين فى السهم غيرنا بس
as_love_jass: الطلوع والنزول لازم نتفق عليه
as_love_jass: يا اما كل *** الاستاذ ديكا يمسكه سهم
mabdallah140: اه طبعا
mabdallah140: لا مش دلوقتي كلنا نتفق علي سهم وبعدين لما نعدي كل *** يمسك سه

liver_2008: حد يعرف طريفة الميكر لما يعوز يطلع سهم ياخد من العروض يرفع السهم نص جنية مثلا الطلبات تزيد ندى الطالب بالسعر اللى احنا عاوزينة لحد ما نخلى السهم يعمل 10 او 20% فى جلسة واحدة وهكذا
liver_2008: ولجذب كل الناس نضع طلب ب300 الف سهم مرتيت تلاتة ورا بعض هنلاقى المشتريت طوابير
as_love_jass: استاااااااااااااااااذ
as_love_jass: ندي اللي فوق الفيشه ونشيل اللفيشه في الاخر ونقطع ميه ونووور
liver_2008: دى التفويتات لاننا هنضعها ونفذ واحدة بس ونشيل الاتنين التانين بعد ما الناس تدخل بسعرنا المحدد
mabdallah140: فعلا الكبير كبير

الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=441687
اسمحولي الحوار مطول وسأنقل كل الحواار على عدة اجزااء

وللعلم اقسم بالله ان الغرض من نقل الحوار هو كشف ما يفعله صبيان الميكرات بالمنتديات

وعشان الناس تاخد حذرها من امثال هؤالاء

 


اخبار مصر - الذهب - تحويل العملات
فوركس - تجارة فوركس
توقيع



maya2000 غير متواجد حالياً