عرض مشاركة واحدة
قديم 12-26-2009, 06:37 AM   #103
diko
موقوف
 

كاتب الموضوع : diko المنتدى : التحليل الفنى والمالى و المتابعة اللحظية قديم بتاريخ : 12-26-2009 الساعة : 06:37 AM
ممتاز رد: (( اقوى اسهم المضاربة والميكرات القوية بالسوق ))

اقتباس : المشاركة الأصلية كتبت بواسطة @[email protected] مشاهدة المشاركة [ مشاهدة المشاركة ]
السلام عليكم ورحمة الله وبركاته

اسعد الله مساؤكم جميعا

في البدايه احنا بنعتذر لكل من شارك في الباب او رأي كم المشاركات التي تم كتابتها في اليومين السابقين لان الموضوع كان اوفر شويه مع الكل للاسف ...

مبدأيا استاذ حسام حضرتك عارف و متأكد اننا مفيش بيننا و بينك شيء عشان يكون في تواطؤ عليك مثلا لا سمح الله

و بعد مراجعه كل اللي حصل اصبح عندي شكوك ان ممكن يكون بعض مصادر المعلومات لديك عن السوق بيوصل لك معلومات مغلوطه لان واضح من كلامك و حتي في الشات اللي اتنقل و اللي حضرتك اكدت في مشاركتك الاخيره ان فعلا المحادثه دي دارت بينكم و بالرغم ان من قوانين اي منتدي انه لا يعتد بما يدور علي الايميلات و لكن الموضوع متشابك بعض الشيء لانه يخص ارزاق ناس و شقاهم و ده فوق اي قانون

فللاسف احنا لحد دلوقتي مش قادرين نأكد لنفسنا نفس اليقين اللي عند الناس ان حضرتك ميكر او ما شابه لان اسلوبك و ما دار في المحادثه زي ما ذكر بعض الاخوه اننا ممكن يكون و اسف في اللفظ " ممكن يكون بيتضحك عليك في بعض المعلومات او كثير منها " بمعني ان اللي بيوصل المعلومه بيحاول يستخدم حضرتك كآداه و هو اللي بيروج عن طريقك لكن علي ظن منك انك مش اداه ميكر لكن نفسك تبقي ميكر

فكده احنا آآسفين جدا يا غالي مضطرين نقفل الباب لبعض الوقت لحين من تحل المشاكل الخاصه بحضرتك و تصفيها خالص و تقدر تشتغل بدون هجوم , و لحين ايضا ما تراجع مصادر المعلومات و تتأكد ان مفيش تحايل عليك انت من احد هذه المصادر لان حضرتك المضرور في الاخر زي ما حصل معاك في مكان و اتنين

لكن من ناحيتنا حضرتك تنورنا في اي وقت و المكان مكانكم كلكم و بمجرد ما تأكدلنا او علي الاقل تخطرنا ان حضرتك حليت المشاكل دي و واثق من المصادر احنا تحت امرك ساعتها نقدر نفتح الباب و الناس هي اللي هتحكم علي توصياتك بعد كده

لكن احنا منقدرش ناخد اي اجراءات بخصوص العضويه الخاصه بحضرتك بسبب كل ما حدث و بسبب هذه المشاكل
و اذا كنا مطالبين باخذ اجراءات مع عضويه حضرتك فده لسبب واحد و هو ان حضرتك شتمت موقع اخر او موقعين عندنا و ده ممنوع بتاتا باي شكل من الاشكال لان المواقع دي مش بتسمح بان حد يشتمنا ايضا عندهم حفاظا علي الاحترام المتبادل بين كل هذه المنتديات
الي جانب ان مينفعش تبقي المشكله تخص حضرتك و تقحم فيها ناس مش اطراف في المشكله نهائيا مثل الاستاذ عمرو سعد لان الراجل ده خبير اسواق في الموقع الشقيق قبل ان يكتب في مجموعه البورصه المصريه من الاصل ، كما ان عضويته هنا في المجموعه رقم 5 من مجموع حوالي 30 الف عضويه
يعني هو صاحب المكانين من اول ما بدؤا و سواء كتب هنا او هناك الاتنين واحد و اللي بيتكبه بيوصل لمتابعي توصياته و ده الهدف الاساسي
كذلك منقدرش عشان هذه المشكله نقحم معنا الاخوه المحللين و نسأل كل واحد يحلل لنا توصيات حضرتك لان احنا كده بندخل الامور في بعضها و بنشتت الناس و كذلك بنقلل من حضرتك اما نطلب حد يحلل شغلك
و احنا لا هيرضينا نشتتهم و لا هيرضينا نقلل من حد مهما كان مين

خلاصه الكلام في نقتطين يا غالي

- بالنسبه
للباب معندناش اي مانع انه يكون موجود بس بشرط ان حضرتك تحل مشاكلك الاول
منقدرش نخلي باب نص مشاركاته مشاكل و لازم تعذرنا في كلامنا ده
فحضرتك حل مشاكلك يا باشا و الباب و المنتدي كله بعدها تحت امرك و الناس بعد كده هي اللي هتحكم التوصيات عملت معاهم ايه
ان شالله حتي تحل مشاكلك في 24 ساعه و برساله خاصه بعدها تخطرنا ان خلاص حضرتك صفيت هذه الخلافات و سوء التفاهم و اصحاب الخلاف تفهموا الامر معك
لكن احنا محتاجين نحافظ علي هدوء المكان و اظن ده اقل حقوقنا ، خصوصا اننا مش عايد علينا شيء من وجود مشاكل او مجاملات قد تضر الاعضاء بشكل او بآخر
خاصة بعد المشاركات الاخيره اللى نزلتها فى اغلب الابواب و بتسأل فيها عن بعض الاسهم و اللي بيعتبره البعض نوع من انواع الترويج للاسهم بغض النظر سواء صعدت او هبطت هذه الاسهم حتي لو كانت نيتك غير ذلك للاسف

- بالنسبه لعضويه حضرتك فاسفين جدا سيتم ايقافها لمده 3 ايام لاسلوب الكلام في المشاركات التي تخص المشكله من هجوم علي المواقع و علي الافراد نفسهم ايضا في بعض الاحيان
بالرغم من استاذ عاصم و استاذ محمد عبد الله ممكن يكونوا من وجهه نظرك او نظر اي حد انهم متحاملين عليك و لكن سياق الكلام نفسه بعد مراجعته مفيش اي كلمه اهانوا حضرتك فيها بكلمه جارحه او دعاء عليك كما فعلت معهم
فالايقاف مجرد انتقاد للاسلوب و الاهانات مش اكتر , لكن الايقاف لا يخص من بعيد او قريب المشكله الاساسيه

اتمني حضرتك تكون متفهم موقفنا و كذلك اخواننا الاعزاء من منتدانا الأخ

و اخيرا المكان مكانك و مكانكم كلكم في اي وقت استاذ عصام استاذ حسام استاذ محمد استاذ عمر و اسف لو نسيت اسماء اخري

والله ولي التوفيق

استاذى ادمين ومستر بورصة وجميع الاخوة الافاضل مشرفى واصحاب ادارة مجموعة البورصة المصرية بشكركم جدا على كل ما ذكرتوة وانا متفهم تماما تماما لوجهة نظركم المحترمة بس ليا تعليق بسيط انا لما بدخل اسال عن الاسهم من كبار محللين المنتدى امثال الاستاذ الكبير مصطفى نميرة وغيرة ليس هدفى اطلاقا ترويج ولا اى شىء ولكن كما ذكرت لاوفر حكاية تواجد محلل فنى مستديم لتحليل الاسهم اللى بذكرها والله من وراء القصد وباذن الله انا معنديش خلافات مع حد كى اسويها وبرب الكعبة لو تعلمون ما حصل معى هناك لعذرتمونى كل العذر ومن نفس الاشخاص وكونى ذكرت استاذنا الكبير عمرو سعد لاثبت فقط ان ليس من العيب اطلاقا وجود خبير متميز ان شاء الله حتى فى كل المنتديات كذلك اخى الجدع واخى محمد على باشا وفوكش وغيرهم الكثيرين ورغم ذلك ورغم اى شىء فانا سانفذ كل شىء لانى شخصيا لا اريد اى بلبلة لاعضاء منتداكم المحترم بمعنى الكلمة برغم انى لست السبب فيها فلقد فتحت الباب ونويت نية خير ولكن تاتى الرياح بما لا تشتهى السفن وطلبى فقط هو منحى الفرصة للرد ولاثبات حسن نيتى والتى لا يعلمها الا الله علام الغيوب ويكون الحكم للسادة الاعضاء فى جدوى توصياتى هل فعلا ذات مكاسب ام لا قدر الله ذات خسائر كما ذكر الكثيرين وكان املى منحى تلك الفرصة من اليوم لاننا داخلين على اسبوع هام وقد يكون بة افادة كبيرة للكثيرين من الاخوة الاعضاء وانا لا ميكر ولا شبة ميكر ولا اى شىء فقط كما قولت اقتنص المعلومات ولا يمكن ارشح اسهم خاسرة او بها تصريف لانى اعلم تماما ان دى فلوس ناس وشقى عمرهم وياما خسرت وجرعت مرارة الخسارة واعلم انها كالعلقم فكيف بعد ذلك ان اضع اخ لى مسلم او حتى غير مسلم فى سهم خسران ومش عاوز ازيد او اطول على حضراتكم اكتر من ذلك ومرة تانية بشكركم جدا على ديمقراطيتكم فى الحوار والنقاش المحترم وبتاسف لكم جميعا لو تسببت لكم فى اى نوع من الاحراج وسانفذ كل ما تريدونة عن طيب خاطر لان دة حقكم الكامل فى الحفاظ على المنتدى واعضائة واوعد حضراتكم بعد منحى الفرصة بتحرى اقصى درجات الدقة فى اى سهم اذكرة للشراء قسم يحاسبنى علية المولى يوم الحساب وتقبلو منى جزيل الشكر والاحترام على حسن تفهمكم وسعة صدركم وبتمنى للمنتدى قمة الازدهار والتقدم من صميم قلبى لانى لما بنتمى لمكان لابد ان احترمة واكن لة كل التقدير وما جزاء الاحسان الا الاحسان اخوكم حسام

 


اخبار مصر - الذهب - تحويل العملات
فوركس - تجارة فوركس

diko غير متواجد حالياً