عرض مشاركة واحدة
قديم 12-27-2009, 10:47 PM   #4
 

كاتب الموضوع : civilized المنتدى : التحليل الفنى والمالى و المتابعة اللحظية قديم بتاريخ : 12-27-2009 الساعة : 10:47 PM
افتراضي رد: محتاجة الرد على هذا السؤال بسرعة من فضلكم

الأول اختى الفاضلة اتأكدى من حجز الأسهم تبعك..وبتكلم جد والله

في امناء حفظ لما بيفوت علي الاسهم مدة اكتر من شهر بيفكوا الحجز عن الأسهم

وفي شركات سمسرة بيطنشوا الحجز..يعني امين الحفظ بيفك الحجز والشركة ما تحجزهاش تاني الا لما صاحبها يسأل عليها

فقبل ما تبيعي حضرتك تشوفي ادارة السجلات او المقاصة في شركة السمسرة تبعك فين

وتسأليها عن كشف الأرصدة بتاعك ودى اول خطوة وياريت تكون قبل الجلسة بفترة كافية

من الكشف هتشوفى اذا كان ليكي اسهم واتحجزت ولا لأ

علشان لو ما اتحجزتش تلحق تتحجز

المهم دى اول جزئية لازم تاخدى بالك منها لأن في ناس كتير بتنساها

تانى حاجة طالما هتبيعي مش لازم تبيعي بسعر الفتح

ماهو ممكن السهم يطلع في الجلسة وممكن كمان سعر الفتح محدش ينفذ بيه

وكقاعدة عامة في ظروف السوق دى

حاولى تبيعي السهم في اول ساعة من الجلسة ساعتين بالكتير

وياريت وياريت وياريت تبيعي والسوق طالع..الا بقي لو محتاجة الفلوس ضروري دي حاجة تانية

تالت حاجة البيع والشراء بيكون بالسعر اللى حضرتك تكتبيه وبالكمية اللي بتحدديها
ان شاء الله 1000000 على سعر قرش.. عادى بس طبعاً البديهى مش هتتنفذ
فعامتاً احنا بنطلب وبنبيع بالسعر اللي ماشي في السوق اما الكميات دى بتبقي حسب فلوسنا

رابع حاجة انتى هتفتحى طلبات وعروض السهم من شاشة مباشر او ميست حسب اللى بتستخدميه حضرتك

وهنفرض ان السهم اللى مع حضرتك اسمه س وعددهم 200 سهم

طلباته وعروضه زي كده (ودى اسمها فيشة السهم)

طلب سعر عرض سعر
1000 3.25 3000 3.30
250 3.23 500 3.50
700 3.20 4000 3.60


لاحظى حضرتك ان ترتيب الطلبات (الشراء) والعروض (البيع) تنازلى في الشراء
من الكبير للصغر
وتصاعدى في البيع من الصغير للكبير
بحيث ان افضل طلب وافضل عرض بيبقوا اقل سعر في الفيشة وبيبقوا اول حاجة

هتبيعي ازاى؟؟

زي ما نصحت حضرتك ان يفضل تبيعي والسوق طالع والسهم كمان يكون طالع وهنفترض ان السوق والسهم طالعين

طيب لو السهم اتجاهه صاعد بشكل كبير (نسبة من 3% لما فوق)

يبقى حضرتك تكتبي اوردر بيع باسم السهم والكمية وامين الحفظ والسعر هيكون في الفيشة التالتة الخاصة بالعرض 4000سهم * 3.60 او ما بعدها(والأوردرات دى موجودة في شركة السمسرة الا لو بتتعاملى اون لاين يبقي مافيش داعى للأوردرات)

او لو اتجاهه صاعد بشكل طفيف(او نازل) ممكن حضرتك تكتبي اوردر بيع بعد الفيشة الأولى بسعر جديد مثلاً 200* 3.40 ويبقي حضرتك ترتيبك التانى

اما بقى لو حضرتك مستعجلة فعندك حاجة من التلاتة

يا تكتبي اوردر بيع بنفس سعر اول فيشة اللى هي (3000*3.30) وهتكون 200*3.30

او تكتبي الاوردر بسعر اقل شوية مثلاً 3000*3.27 ودى هتكون قبل الفيشة الاولى في العروض بمعنى ان سهم حضرتك هيكون اول عرض

وهتبقي فرصتك شبه مؤكدة في البيع

ولاحظى ان حضرتك في الطريقة دي هتكتبي سعر اقل من سعر اول عرض واكبر من سعر اول طلب

لأنه لو اقل من سعر اول طلب هتبيعي في ساعتها واحنا مش عاوزين كدة

تالت طريقة تكتبي الأوردر ماركت او سوق يعني في خانة السعر تكتبي سوق

ودي هتتباع في ساعتها بسعر اول طلب..وبصراحة انا مابفضلش الطريقة دي لأن دى اللى بتوقع السهم وبتنزله

يعني لو حضرتك عملتى الطريقة دي هتساهمى في نزول السهم ^__^

ارجو اكون افدت حضرتك وبعتزر على الإطالة

 


اخبار مصر - الذهب - تحويل العملات
فوركس - تجارة فوركس

haleem2007 غير متواجد حالياً

 

رد مع اقتباس