عرض مشاركة واحدة
قديم 12-30-2009, 11:13 AM   #18352
 

كاتب الموضوع : Mr Borsa المنتدى : التحليل الفنى والمالى و المتابعة اللحظية قديم بتاريخ : 12-30-2009 الساعة : 11:13 AM
افتراضي رد: المتابعة اللحظية لأسهم البورصة المصرية

نداء للسادة المحللين والمتعلمين
بالاصالة عن نفسى وبالنيابة عن كل الى مبيفهموش فى البورصة زيي والى كانو بيتفرجوا قام واحد ابن.... زقهم لقوا نفسهم فى وسط ناس بيتكلموا عن مؤشرات السيد دلنجر وشمعات سوزوكي وأخبار مؤشرات توم جونز والفزدق فى أمريكا ومؤشر ميكى وسمير فى اليابان واب ترند ولوترند من أوتيس للاسنسيرات ودايما فى صعوبة تنزيل شارتات المرور أحب ان أقول لسيدتكم ان احنا تجار سريحة معانا شوية أسهم فى كرتونة بنبعها فى الاشارات شرينها غالى وبنبعها رخيص اصل التجارة شطارة وفهلوة وقوم تلاقى المحلل من سيادتكم قاعد يشرح على الشرتات ويدون عبارات وترجع الناس تسألة نفس السؤال الى كان بيشرحة (طبعا حاجة تدايق) لكن للى زينا سيادتكم بتتكلموا صيني واحنا غلابة مبنعرفش نفك الخط يا ولداة
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=453515
فأطالب بالاتي:
1- نعامل معاملة عساكر الامن المركزى في التلقين والتكرار
2- إستخدام عبارات سهلة دون اللجوء الي كلمات معقدة
3- الشرتات بياعتنا (أحمر) خطر بيع او شراء( أصفر) ترقب بيع او شراء (أخضر) إتوكل على اللة بيع اوشراء
معلش المؤمن مبتلى وربنا يصبركوا علينا وكلة فى ميزان حسناتكم وتنة عامر.

 


اخبار مصر - الذهب - تحويل العملات
فوركس - تجارة فوركس
توقيع

( قل لا أملك لنفسي نفعا ولا ضرا إلا ما شاء الله ولو كنت أعلم الغيب لاستكثرت من الخير وما مسني السوء إن أنا إلا نذير وبشير لقوم يؤمنون ( 188 ) )
محمد الدسوقى

mohamed dessouky غير متواجد حالياً

 

رد مع اقتباس