عرض مشاركة واحدة
قديم 01-02-2010, 08:46 AM   #26
مشرف سابق
 
الصورة الرمزية shico
كاتب الموضوع : shico المنتدى : التحليل الفنى والمالى و المتابعة اللحظية قديم بتاريخ : 01-02-2010 الساعة : 08:46 AM
افتراضي رد: "انت سيد قرارك"...واوعى حد يضحك عليك

باب :كشف النقاب عن كل نصاب
(واوعى حد يضحك عليك)
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=457555
الان ماذا نشترى ؟؟؟
كثيرا ما نسمع عبارات ودعوات من المروجين واصحاب المصالح والصبيان وانصاف الميكرات ، عن السهم المعجزه الذى سوف يعوض خسائر الجميع ..وتلاقى الواحد من دول بيقولك الحق السهم قبل ما يطير .. النهارده اخر يوم .
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=457555
ادخل بكل محفظتك ..السهم طاير من بكره والمعلومات دى من الكنترول ..الشركه عليها اخبار حصريه لكم .. احنا لا نبتغى الا وجه الله والدعاء بظهر الغيب منك ..الميكر بيلم السهم ..
هل تعلم ..
ان بعض المحللين الكبار يستعينون ببعض الشباب ..اعرف احد محللى الفضائيات يستعين باربعه شباب يجمعون له كل ما ينشر بالمنتديات والمواقع وغرف الشات من اخبار وشائعات وخلافه ..
فاذا كان هذا هو وضع احد المحللين... فما بالك بالميكر؟؟؟
هل تعلم..
ان الميكر لا يعمل وحيدا..ولكن لابد من معاونين ومساعدين ومروجين لاداء المهمه ..وماذا يضير ميكر السهم والذى يملك ما لايقل عن سبعون او ثمانون او مائه مليون من الجنيهات من دفع مبالغ تافهه فى صوره مكافآت او رواتب لمجموعه من الشباب العاطلين عن العمل(وما اكثرهم) للانتشار بالمنتديات وغرف الشات وشركات السمسره للترويج لمصالحه من تجميع الاخبار وترويج الشائعات ودا بيكون جزء من استراتيجيه الميكر لتجميع السهم او لتصريفه ..
اذا ..احترس
المنتديات مليئه باناس لهم مصالح واغراض معينه ليست كلها خالصه لوجه الله ..
والان ..
سوف اوضح لك احد الطرق والتى قد تقابلك وعليك ان تعمل عقلك وتفكر لاكتشاف المزيد والكثير ،،فانا فقط انير لك الطريق ..
اولا تدخل الباب بالمنتدى فتجد كم هائل من الاعضاء والزوار ..ما هذا مالا يقل عن 1000 و1400 و1600 من الاعضاء والزوار فى باب ما..لابد ان صاحب الباب هو رجل عبقري وهو المنقذ صاحب توصيات جهنميه .. والدليل كل الناس دى ..يعنى دا لو راجل اى كلام كانت الناس دى كلها سمعت كلامه .. طيب دا حتى لو نصف الناس دى اشترت السهم اللى هو بيوصى بيه يبقى السهم طاير من غير كلام ..هكذا تحدثك نفسك ..
ولكن يا سيدى ..
دى اول الخدع للايقاع بالضحايا .. والمفاجأه ان الادمن بتاع السايت مبيخرجش الناس اللى بتعمل ساين اوت يعنى انت لما بتسجل دخول للباب وتحب تسجل خروج مبتخرجش بيفضل اسمك موجود رغم ان انت قفلت الكمبيوتر وفى سابع نومه ..ودى وسيله لايهام وخداع كل من يدخل الباب بالشعبيه الجارفه للعلامه صاحب التوصيات الذهبيه ..كنت انا واخى اعضاء باحد المنتديات ، ولمل بيكون اخى بالشغل يظل اسمه ظاهر امامى بالباب وبيتصل بيا للسؤال عن سعر سهم او اى شئ ..
سبحان الله ..هوا انت مش فاتح الكمبيوتر ؟
لأ طبعا انا فى الشغل دلوقتى ..وبعدين الكمبيوتر بتاعى قدامك فى الغرفه المجاوره مقفول..هوا فيه ايه!!!
نيجى على طريقه شغل العلامه الجهبذ والذى لا يفقه اى شئ فى التحليل سواء المالى او الفنى وبيقولك انا بشتغل على الشاشه وعلى علم قراءه الشاشه..قراءه الشاشه فن كبير ومش اى حد لا مؤاخذه ...طيب
20 سهم
هو اقل عدد بيوصى بيه الباشا يوميا ..ووضع طبيعى ان احد او شويه من العشرين سهم دول يصعد ..فتقام الاحتفالات والولائم لهذا الفتح العظيم ..وتلاقى قصائد المديح اشتغلت اللى هى اصلا من الناس اللى شغالين معاه للترويج والتهليل لايقاع ضحايا جدد واقناعهم بشراء الاسهم من توصيه العبقري ..
طيب يا جماعه دول 5 اسهم صعدوا من العدد الكبير وانا السهم بتاعى نزل ..يجيلك النداء من المخلص والتقى والورع بانه حان آذان الظهر ..نصلى الاول ..
الله
وبعد الصلاه..
طيب يا عمنا والاسهم اللى الناس اشترتها ونزلت دى ..تطنييييييش
وييجى يقولك احنا هنعمل خطط واستراتيجيات ..خطه رباعيه، وخطه مثلثيه، وبعد اسبوع خطه دفاعيه ..
وبعد اسبوع ولا حاجه تكون حضرتك شربت المقلب ..تيجى تسأل على سهمك ..يقولك صبرا آل ياسر..ويا سلام لو اعترضت او كتبت مشاركه بها نقد او رأى مخالف ؛بيكون جزاؤك الايقاف وممكن شطب عضويتك كمان جزاء لك على ما اقترفت من اثم ..
لا تنخدع ..لا تنخدع ..لا تنخدع
امثال هؤلاء هم حيتان صغيره وطبعا محافظهم كبيره بالدرجه التى تجعلهم مجتمعين يؤثرون فى سعر السهم لحظيا او على مدار جلستين ثلاثه ..وبيكونوا مجموعه اربع او خمس افراد او اكثر وطبعا فى الكواليس اللى انت مش شايفها شغاله التليفونات مع بعض والاتفاقات والتربيطات لاستغلال الاخبار والاشاعات اسوأ استغلال ..
طبعا هما بيدخلوا السهم قبل ما يوصى بيه علشان ياخدوا باقل سعر..يعنى يفضلوا طول الجلسه يلموا فى السهم ويقولك انا جايلى اخبار عن سهم صاروخ على آخر الجلسه...ويديك التوصيه بعد لما يشبع لم.
اما السر فى صعود السهم اللى جنابه بيوصى بيه..فهو زى ما شرحت عندهم قدره على التأثير على سعر السهم لحظيا..يعنى يقولك اشترى كذا بسعر 10 ج مثلا وتروح تعمل الاوردر تلاقيهم بيشترو سوق ..ياعم دا السعر طار دا ب11 ج ؛؛؛ادخل.. ادخل .. به خيرا كثيرا ان شاء الله..وطبعا اللى بيسمعوا الكلام وبيصدقوا وبيتعلقوا بالوهم ما اكثرهم..تلا قيهم يا عينى بيحاربوا علشان يلحقوا السهم ..طيب الجلسه خلصت وانا ملحقتش ؛؛ولا يهمك اشترى بكره ..
وبكره ..تستمر عمليات التسخين والترويج والتلميع..تلاقى واحدطلع فجأه انا دخلت السهم ب 400000 ج وواحد تانى انا سيلت كل المحفظه ودخلت معاكم..(طبعا دول معاهم) والضحايا عماله بتزيد..والسهم انت اشتريته ب12 و13 ج.
طبعا هما دلوقتى السهم متسوى معاهم وعمالين يبيعولك اللى اشتروه ب 9.5 ب 12.5 و 13 ج وعلى يوم التسويه يا صديقى "صبرا آل ياسر"
مش كل حد يقولك اشترى سهم تشترى..
لازم يكون محل ثقه ..وتشترى السهم بناء على مؤشرات وتكون اسباب الدخول واضحه ونقطه وقف الخسائر محدده..وبعد ذلك ننتظر التوفيق من الله..

 


اخبار مصر - الذهب - تحويل العملات
فوركس - تجارة فوركس
توقيع

"يا بن آدم:...إن رضيت بما قسمته لك أرحت قلبك وان لم ترض بما قسمته لك فوعزتى وجلالى لأسلطن عليك الدنيا تركض فيها كركض الوحوش فى البرية ولا ينالك منها إلا ما قسمته لك وكنت عندى مذموما".حديث قدسى


shico غير متواجد حالياً

 

رد مع اقتباس