عرض مشاركة واحدة
قديم 01-06-2010, 01:54 AM   #944
 
الصورة الرمزية mooondy33
 

كاتب الموضوع : احمد مبروك المنتدى : التحليل الفنى والمالى و المتابعة اللحظية قديم بتاريخ : 01-06-2010 الساعة : 01:54 AM
ابتسامة رد: تريدات تريدات وإللى جاى أحسن من إللى فات

[quote=محمدسالم5;463756]مساء الخير يااحمد الايرن مان
كنت كتبت مشاركة في باب الجمعية يوم 29 /12 والبورصة لاتسر عدو ولا حبيب.. قلت انقلها هنا علشان راجلي تاخد علي الباب وعلشان اكتب واحدة تانية لما البورصة تستقر وروحنا المعنوية تتظبط

السلام عليكم ورحمة اللة وبركاتة
ارجو ان تكونوا في تمام الصحة والعافية

نظرا لاننا في مصر لم يعد عندنا بورصة بالمعني المتعارف علية

نتحدث اليوم عن البورصة الوردية لعلاج الحالات النفسية مع مراعاة اني بكتب وانا في امس الحاجة لعلاج حالتي النفسية المتتحضرة مع اني مش خسران ولاحاجة خالص يادوبك كل لما اغيب يومين الاقي محفظتي بتنقرض بمعدل معقول ومقبول جدا في حدود من 30 الي 40 % وبحسبة بسيطة ممكن يكون اللي فاضلي تقريبا ما يكفي لشراء ربع كيلو كباب من عند ابو شقرة شامل السلاطات والمية المعدنية ماركة بركة اللي كلها بركة..الحمدللة اية الواحد حاينهب

السؤال الان كيف تصبح برصجي وردي(زي طعمجي او كفتجي) لايؤثر فيك اي خسارة ولا طبعا مكسب ..دا بفرض انة ممكن يكون فية يوم من الايام نشوف او حتي نشم ريحة المكسب .. نشوف حلمةودننا اسهل..
استحالة تصبح بورصجي ..عفوا برصجي اصلي ووردي ولبني ومحمحي كمان الا لما بورصتنا تتحول لبورصة وردية ومن وجهة نظري المحدودة فدي الشروط والمواصفات التي لابد من توافرها لكي تصبح جرصتنا وردية:
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=463841

1-يتم تغيير مسمي الاسهم الي مقشات وجرادل ومساحات .. الخ الخ الخ وطبعا هايبقي فية مقشات الكيس 30 وجرادل الكيس 70 ومساحات الكيس 100

2- يتم تغيير الالوان في حالة هبوط مقشات وجرادل ومساحات الكيس الي مستوي سطح البلاط(بما اننا بقينا علية) الي اللون الوردي بدلا من الاحمر اللي يجيب الاستبحس وايضا تغيير اللون الاخضر في حالة الصعود درجة او اتنين فوق مستوي سطح البلاط او حتي الاسفلت الي اللون الشفاف علشان اكيد مش هانشوف اللون الاخضر علي المدي القصير والقصير اوي والقصير جدا .. لكن ممكن نشوفة علي المدي المتوسط والطويل بس في المشمش
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=463841

3- يسمح بالتبديل بين المراكز الخسرانة داخل المحفظة من خسرانة بس الي خسارنة اكتر او باللغة الدارجة من المقشات الي المكانس ومن الجرادل الي الجراكن ودا من حق اي بورصجي وغصب عن التخين

4-يسمح بالسحب علي المكشوف وفي حالة عدم القدرة علي السداد لا يسجن البورصجي او يتحجز علي هلاهيلة تحت اي ظرف ولكن ممكن يسدد دينة مصاريف يعني يكنس ومسح ويغسل بقيمة تعادل قيمة الكريدت او الدين.. دا إذا كان لسة فية راجل بشنبات او حتي حواجب يقدر يشتري كريدت من اصلة

5-يتم توفير فرق مجهزة بالبالطو الابيض خلف خلاف لنقل البورصجية من الرجال الي مستشفي العباسيةمع تكليف ادارة مرور المحروسة بتسهيل تدفق عربات النقل الي العباسية لان العدد هايكون بالالاف

6- طبعا لن ننسي السيدات والفتيات الفاتنات فيسمح لهم بالصويت والصريخ يوميا بشكل متصل او منفصل بعد بداية الجلسة بعشر دقايق علي الاقل علشان يشحنوا الحنجرة ويسمعوا امة لا إلة إلا الله

7-يسمح للسيدات المتزوجات او المطلقات بسبب البورصة طبعا مع تقديم المستندات الدالة علي ذلك بالطبخ اثناء جلسة خارج المقصورة علشان الرجالة الشقيانة والتعبانة في المسح والكنس والغسل تلاقي لقمة تاكلها

8-يسمح للسيدة الحامل بدخول جميع الاكتتابات اللي اكيد هاتبقي خسرانة مجانا بشرط ان يكون بمعدل سهمين وكيس حلبة مغات لكل سهم .. واحد للام والتاني للمولود

9-في حالة انهيار المحفظة بنسبة اكتر من 120% يسمح لكل بورصجي بوجبة فول وطعمية مجانا شاملة الطرشي يوميا مع إمكانية توصيلها للمنازل دليفري او توليفري علي رأي اعضائنا الكرام

10-يسمح للبورصجي بحمل زميلة في حالات الاغماء او الازمات القلبية المفاجئة او المدبرة مسبقا مع مراعاة توفيق الاوضاع .. عفوا توفيق الاوزان.. يعني كل واحد يشيل واحد علي ادة . مش هايبقي انهيار وفتاق .. مش ناقصة

11-في حالة حدوث اي تجمعات او مظاهرات ضد إدارة البورصة يعاقب كل من لا يرتدي قناع واقي او كمامة للوقاية من انفلونزا الحمير اللي بيديروا البورصة المصرية بقرصة في لاباليبة او رفسة في لاغاليغة

12- لايجوز الانسحاب او الهروب او الفكاكان من البورصة مهما حدث حتي لو بقيتوا علي الحديدة او علي خاذوق سليمان الحلبي إلا في حالة واحدة وهيا الانسحاب الي ترب الغفير مع قراءة الفاتحة يوميا علي روحهم الطاهرة في نفس توقيت خارج المكسورة بالتوازي مع توقيت الطبيخ كما اسلفنا الذكر(كل شيئ محسوب ومعمول حسابة)

ولا ارانا الله مكروة في عزيز لديكم

اخوكم محمدسالم اللي مش محصل لا 5 ولا 4 ولا حتي زيرو
دخلنا العام الجديد يمكن الاقي فرصة تانية واكتب مشاركة تانية تكون احسن من دي.. استحملني بأة لغاية ما الواحد يرسي علي بر
[ معلشى ربنا ان شاء الله هيعوض عليك وهيكرمك صبرا باذن الله افتقدنا وجودك من فترة طويله حمدالله على السلامه

 


اخبار مصر - الذهب - تحويل العملات
فوركس - تجارة فوركس

mooondy33 غير متواجد حالياً

 

رد مع اقتباس