عرض مشاركة واحدة
قديم 01-07-2010, 12:16 PM   #20151
عٌــمدة أخبــار مجموعة البورصة المصرية
وعضو جمعية ما شربتش من نيلها mmn
كاتب الموضوع : Mr Borsa المنتدى : التحليل الفنى والمالى و المتابعة اللحظية قديم بتاريخ : 01-07-2010 الساعة : 12:16 PM
افتراضي رد: المتابعة اللحظية لأسهم البورصة المصرية

بالتعاون مع مجموعة البورصة المصرية
يادنيا سوق البشر
فيكى البشر وشوش
فيكى اللى قلبه طيب
وعايش بوش بشوش
وفيكى اللى شبه الهمج
وعايش فى غابه وحوش
فيكى الحروب والموت
ومن كل صنف جيوش
قتلى واسرى كتير
من الكثره ما اتعدوش
وفيكى الغلابه يا دنيا
من الظلم ما عدوش
انا كنت عا يش راضى
وقلبى كان مليان
دلوقتى اصبح عادى
اجوع واشقى كمان
وبردو يا دنيا راضى
وعلى نفسى مش زعلان
اصلك يا دنيا فانيه
وغداره بالانسان
يا اما غدرتى بناس
وملوك وانس وجان
خلعتى ثوب الصفا
وصوتك بالف لسان
فين الملوك راحو فين
اكلتهم الديدان
واللى تاه فيكى يا دنيا
خطفتهم الغربان
وارجع واقولك يا دنيا
ما عدشى فيكى امان
تعبت فيكى يا دنيا
بصدق مش كداب
كتر عليا التعب
وانا لسه يا دنيا شباب
وازاى يا دنيا اعيش
فى وسط كل الناس
وانا جوايه اسير
عذابه ما زيو عذاب
فيكى الفجور والكفر
وايمانى شئ ممنوع
قبضة حديد من نار
واللى ما سكها ذئاب
لا اقدر اقول انا مسلم
ولا اقدر اقول انا ايه
مجرد خروج الكلمه
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=465601
دى تهمه بالارهاب
دقون ولاثه وشال
مش هو ده الاسلام
اسلامى صرخة الم
تخرج من قلب كتاب
تنذف دموع الندم
تغسل وجوه الشر
يمكن ييجى يوم
يغفر لنا التواب
ويا دنيا سوق البشر
ضلاله منين ما اعرفش
بس المهم فنون
بص واتفرج وشوف
وما لكشى دعوه بحد
لازم تعيش جبان
ما تقولشى كلمة حق
واوعى يا مجنون
تفكر مره يوم
لليغمه توضع حد
دى سينما مش هزار
وضماير كلتها النار
وفى اخر المشوار
طريق نهايته سد
قواميس ملازم كتب
مليانه دش كتير
وكلمه مش موجوده
تاهت فى وسط العد
دورت عليها كتير
علشان اعرف مصيرى
والكلمه اللى تايهه ياناس
دى هى كلمة جد
يا ترى الاقيها فين
تحت مخالب جنس
همومه هدم الانس
بنساء عرايا غوانى
شغلتها بس الهد
والا الاقيهافى يوم
فى ايدين فلاح مطحون
راضى بحلوه ومره
ويا دوب عايش على الاد
ويمكن الاقى الكلمه
فى ايدين تلميذ حيران
ما بين جواب البنت
وجغرافيا جذر ومد
ويمكن يكون اجدادنا
دفنو الكلمه معاهم
وسا عتها حسره يا ناس
ضاعت وضاع الكد
واختم كلامى بدم
يشيل عن بلدى الهم
ويرسم حروف من نور
على قبر مصرى غيور
خاف على ارض بلده
وبدمه بنى وراها جسور
تحمى شرفها الحر
ايام وسنين ودهور
تربى بعدى اجيال
يصرخ فى ايدها الطفل
فين ارض الحر يا امى
ودينى لقبره ازور
ومهما يشيب ويكبر
لابد فى يوم راح يعرف
ان دم الحر يا دنيا
كان اصله للشعب جذور
مع تحيات شاعر المنصوره

 


اخبار مصر - الذهب - تحويل العملات
فوركس - تجارة فوركس
توقيع

باب جمعية مشربتش من نيلها

http://www.borsaegypt.com/forumdisplay.php?f=174

رضا الملا غير متواجد حالياً

 

رد مع اقتباس