عرض مشاركة واحدة
قديم 01-07-2010, 03:28 PM   #20160
 

كاتب الموضوع : Mr Borsa المنتدى : التحليل الفنى والمالى و المتابعة اللحظية قديم بتاريخ : 01-07-2010 الساعة : 03:28 PM
افتراضي رد: المتابعة اللحظية لأسهم البورصة المصرية

اقتباس : المشاركة الأصلية كتبت بواسطة رضا الملا مشاهدة المشاركة [ مشاهدة المشاركة ]
يادنيا سوق البشر
فيكى البشر وشوش
فيكى اللى قلبه طيب
وعايش بوش بشوش
وفيكى اللى شبه الهمج
وعايش فى غابه وحوش
فيكى الحروب والموت
ومن كل صنف جيوش
قتلى واسرى كتير
من الكثره ما اتعدوش
وفيكى الغلابه يا دنيا
من الظلم ما عدوش
انا كنت عا يش راضى
وقلبى كان مليان
دلوقتى اصبح عادى
اجوع واشقى كمان
وبردو يا دنيا راضى
وعلى نفسى مش زعلان
اصلك يا دنيا فانيه
وغداره بالانسان
يا اما غدرتى بناس
وملوك وانس وجان
خلعتى ثوب الصفا
وصوتك بالف لسان
فين الملوك راحو فين
اكلتهم الديدان
واللى تاه فيكى يا دنيا
خطفتهم الغربان
وارجع واقولك يا دنيا
ما عدشى فيكى امان
تعبت فيكى يا دنيا
بصدق مش كداب
كتر عليا التعب
وانا لسه يا دنيا شباب
وازاى يا دنيا اعيش
فى وسط كل الناس
وانا جوايه اسير
عذابه ما زيو عذاب
فيكى الفجور والكفر
وايمانى شئ ممنوع
قبضة حديد من نار
واللى ما سكها ذئاب
لا اقدر اقول انا مسلم
ولا اقدر اقول انا ايه
مجرد خروج الكلمه
دى تهمه بالارهاب
دقون ولاثه وشال
مش هو ده الاسلام
اسلامى صرخة الم
تخرج من قلب كتاب
تنذف دموع الندم
تغسل وجوه الشر
يمكن ييجى يوم
يغفر لنا التواب
ويا دنيا سوق البشر
ضلاله منين ما اعرفش
بس المهم فنون
بص واتفرج وشوف
وما لكشى دعوه بحد
لازم تعيش جبان
ما تقولشى كلمة حق
واوعى يا مجنون
تفكر مره يوم
لليغمه توضع حد
دى سينما مش هزار
وضماير كلتها النار
وفى اخر المشوار
طريق نهايته سد
قواميس ملازم كتب
مليانه دش كتير
وكلمه مش موجوده
تاهت فى وسط العد
دورت عليها كتير
علشان اعرف مصيرى
والكلمه اللى تايهه ياناس
دى هى كلمة جد
يا ترى الاقيها فين
تحت مخالب جنس
همومه هدم الانس
بنساء عرايا غوانى
شغلتها بس الهد
والا الاقيهافى يوم
فى ايدين فلاح مطحون
راضى بحلوه ومره
ويا دوب عايش على الاد
ويمكن الاقى الكلمه
فى ايدين تلميذ حيران
ما بين جواب البنت
وجغرافيا جذر ومد
ويمكن يكون اجدادنا
دفنو الكلمه معاهم
وسا عتها حسره يا ناس
ضاعت وضاع الكد
واختم كلامى بدم
يشيل عن بلدى الهم
ويرسم حروف من نور
على قبر مصرى غيور
خاف على ارض بلده
وبدمه بنى وراها جسور
تحمى شرفها الحر
ايام وسنين ودهور
تربى بعدى اجيال
يصرخ فى ايدها الطفل
فين ارض الحر يا امى
ودينى لقبره ازور
ومهما يشيب ويكبر
لابد فى يوم راح يعرف
ان دم الحر يا دنيا
كان اصله للشعب جذور
مع تحيات شاعر المنصوره

السلام عليكم ورحمة الله وبركاته
ياسلام عليك يا أستاذ رضا
الله عليك

 


اخبار مصر - الذهب - تحويل العملات
فوركس - تجارة فوركس

أبو السعود غير متواجد حالياً

 

رد مع اقتباس