عرض مشاركة واحدة
قديم 02-26-2010, 08:09 PM   #1240
 

كاتب الموضوع : walid المنتدى : التحليل الفنى والمالى و المتابعة اللحظية قديم بتاريخ : 02-26-2010 الساعة : 08:09 PM
افتراضي رد: إحتراف المضاربة فى البورصة المصرية ( أعرف سهمك )

اقتباس : المشاركة الأصلية كتبت بواسطة walid مشاهدة المشاركة [ مشاهدة المشاركة ]
لازم الأول تحددى موقفك من البورصة هل انتى مضارب أم مستثمر لو مضارب طبعا مفيش مضارب فى الدنيا بيسيب فلوسه تتركن ومش عارف مصرها ايه . لأن اعتماده الرأيسى فى المكسب والخسارة سرعة دوران رأس المال . وبيخرج من السهم وبيحاول يعوض فى اى اسهم تانى قيمة الخسارة اللى خسارها وزيادة من خلال تريداته اللى بيعملها كل يوم او كل اسبوع حسب السهم اللى معاها .

انما لو متثمر يبقى خلاص خليكى فى الشركة .. هى شركة قوية ماديا ومفيش شركات اسمنت والحمد لله بتخسر وهتلاقى كوبونتها حلوا افضل من فوائد البنك . غير زيادة سعر السهم اللى بنعتبر زيادة فى اصل رأس المال ...

والله الموفق .

استاذ وليد
تعلم جيدا قدر احترامي وتقديري لك كمحلل فني وقبلها كإنسان احترمه واقدره واتعلم منه
لكن لو سمحت انا لي راي يختلف عن راي حضرتك
اعتقد ان بعد الازمات الاخيره والتي بدأت من منتصف 2008
اصبح مصطلح مستثمر طويل الاجل في البورصه ملغي تماما او المفروض ان يلغي من اعتبارتنا جميعا الي ان تظهر معطيات جديده
واعتقد انها مش هتكون قريبه ابدا
زمان كان ممكن تترك السهم شهور وربما اكتر وانت متأكد ان احتمالات زياده سعره اكبر بكتير من احتمالات انخفاضه
الان العكس هو الصحيح
احتا الان في زمن التريدات ولازم الواحد يفتح عينه وتبقي وسط راسه
ويكون موجود في السوق كل يوم
في لحظه ممكن يطلع خبر يبهدل الدنيا
والاخبار السيئه اللي ممكن تطلع في اي لحظه الفتره القادمه كتيره جدا
منها ما هو عالمي ومنها ما هو محلي
الازمه الماليه رغم بعض التحسن الطفيف لكن ممكن تتداعي مجددا
وساعتها ستكون اعنف الف مره
ازمه ديون دبي لسه لغايه الان لم نطمئن اننا تحطيناها
مشاكل اليونان الكبيره وتخلي الدول الغنيه في الاتحاد الاوربي عنها
مع احتماليه ان تلحق بها اسبانيا والبرتغال
انتخابات الرئاسه القادمه في مصر
وغيرها كتير من الاحداث اللي بقت كلمه سلبيه واحده في تتعلق باي منها تهبط بمؤشرات البورصه في العالم كله .
ببساطه واختصار فانا رايي المتواضع
نشيل من دماغنا فكره انك مستثمر طويل الاجل في البورصه
مش ايامها خالص والا ممكن فترات طويله جدا وبعدها تلاقي سعر سهمك زي ماهو النهارده وربما اقل
في حين اللي بيضارب ويعمل تريدات لو ربنا وفقه ممكن يعمل ارباح مضاعفه .
وربنا يوفق الجميع ان شاء الله

 


اخبار مصر - الذهب - تحويل العملات
فوركس - تجارة فوركس

المعتصم5 غير متواجد حالياً

 

رد مع اقتباس