Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

" قُلْ أَعُوذُ بِرَبِّ الْفَلَقِ *مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ * وَمِن شَرِّ النَّفَّاثَاتِ فِي الْعُقَدِ * وَمِن شَرِّ حَاسِدٍ إِذَا حَسَدَ ". صدق الله العظيم
عمالقة مجموعة البورصة المصرية
د السيد الغنيمىالشيخ غريبمحمد علي باشاالخبير 2000ياسر خطابكالوشامصطفى نمرةالاسيوطي
محمود 9200ateef4999محمد ناجحasra2002عبدالعزيز ابو اسكندرنجلاء نفاديeng_elsaftyمصطفى صقر خبير باسواق الفوركس


كورس محاسبة كورسات محاسبة المحاسب المالي المحترف محاسبة مالية وظائف خالية وظائف خالية للمحاسبين فرص عمل وظائف وظائف كلية تجارة فرص عمل للمحاسبين
تابعنا على فيس بوك
التحليل الفنى والمالى و المتابعة اللحظية مؤشر البورصة المصرية , التحليل الفنى و المالي للبورصة المصرية , متابعة البورصة المصرية البورصة لحظة بلحظة

مشاهدة نتائج الإستطلاع: ما هو رأيك فى هذا الباب
ممتاز 7 87.50%
جيد جدا 1 12.50%
جيد 0 0%
ضعيف 0 0%
المصوتون: 8. أنت لم تصوت في هذا الإستطلاع

إضافة رد
 
أدوات الموضوع
قديم 05-23-2011, 02:46 PM   #101
 

كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 05-23-2011 الساعة : 02:46 PM
افتراضي رد: واحة الشعر والشعراء

بالتعاون مع مجموعة البورصة المصرية
السلام عليكم ورحمة الله وبركاته
الله عليك يا حاج وعلي عم حضرتك كلام في الصميم وتمام ورسايل جميلة جداااا.........موفق بإذن الله ... لك مني أجمل تحية .

 


اخبار مصر - الذهب - تحويل العملات
فوركس - تجارة فوركس
توقيع



snow white غير متواجد حالياً

 

رد مع اقتباس
قديم 06-22-2011, 01:25 PM   #102
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:25 PM
افتراضي رد: واحة الشعر والشعراء

بيقولوا في مطرب مكار...بيغني بحبك يا حمار
الواد ده وصولي وكداب..ومنافق وكمان نعار
وإشمعنى لوحده اللي يحبك...كلنا بنحبك يا حمار
ده لأنك فعلا متفاهم... ومبرطع فينا ومش فاهم
وبتبعد عن أي تفاهم .. بعزيمة غبية وإصرار
العِشرة ما بينا ما بتهونشي..وإن هانت..برضو ما نقدرشي
محكمة العدل ما تحكمشي..وإن حكمت.. هتولع نار
مثلتوا علينا الثلاثية.. وبطولة وكانت جماعية
وعشان ما تكمل سداسية..عملتوا ألف حصار وحصار
وفي وسط ميدان الحرية..فيه شعلة مسكاها وليّة
متكنش دي ليزا المخفية..مدية إشارة إنذار
وعلى العموم أنا حبيتك
وإلهي يا بعيد يخرب بيتك
لو يوم هتشُك في إخلاصي..وتصدق ده من الأشرار

هو سؤال ومافيهش هزار....هو أنت يعني حمار يا حمار
علشان تصدق إن الفار.. ممكن يقول لأسد يا حمار
وبعاهدك والعهد أمانه..هتّنَّك على طول ويانا
حمورية أهلك عجبانا..يا واخدنا من الدار للنار
كل الحميره هنا عملت سين...واتفقت انك بغل عظيم
هيوزعوا شربات برسيم ...علي العربخاني وعلي الزوار
أنا مش حمّار هتخاف مني
مانا برضو حمار وأحمر منك
ما تنهق..قول أي حوار
بنقولك شيي..ما بتمشيشي....والح ااا..بنقولها ما بتجيشي
ونقولك هيييسس...ما بتهيسش..ومكمل بينا المشوار
وعلشان كده إحنا إخترناك..وعلى حياتنا إستئمناك
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294522
ولا يوم هيجي يفرقنا...وهنفضل دايما وياك


الشاعرة/إيمان بكري

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:28 PM   #103
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:28 PM
افتراضي رد: واحة الشعر والشعراء

مفيش حاجه

مانيش عايز خلاص حاجة

ولا محتاج أنا لحاجة

ولو عايز صحيح حاجة مخليتوليش ولا حاجة

عموماً بصوا فيه حاجة ...هقولها بس محتاج لعقول تفهم.. ولو حاجة

مهيش مفهومة او حاجة ....نفسرها بكام حاجة

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودة ولا حاجة

لكن ما بخفش من حاجة

لكن فرضاً لو هقول حاجة هيحصل إيه ؟ ولا حاجة

هيعملوا إية ؟ ولا حاجة

ولو بعد الشر .. بعد الشر لو واحد من القاعدين من السامعين من الضالين فِهِم حاجة


هَيعملوا إيه ؟ اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش عشان حاجة و ناس بتموت عشان حاجة

و ناس بتموت على الحاجة

و ناس تديلك الحاجه وتبقي ليها محتاجه

و ناس تديلك الحاجه و تاخد قدمها ميت حاجه

و ناس تكبر تكون حاجه و ناس تصغر عشان حاجه

و ناس منظر ومش حاجة و تلقاه كبير حرس ونفير عليه منظر

وهو جبان وشيخ منصر ولا يبـنش عليه حاجة

كلامى يا خلق فيه حاجة .. لحد دلوقتى فيه حاجه

كلام عادى و بسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه

وميت حاجه لكن مش قادرة اقول حاجة لأنى لو هقول حاجه

هييجى ناس بتوع حاجه وياخدونى ورا الحاجة

وهو لو سمع حاجه هيعملوهالى ميت حاجه

عموما ... بصو لو واحد من القاعدين عايزنى أبلغه بحاجة يقول مايخفش من حاجة

نعم .. فيه إيه؟ ...لالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش حاجه

قضية إيه ..ياشيخ روح خلاص مافيش حاجه

حرامى إيه ... و لكح إيه ... و هرب إيه؟ شــفـافـيـه مافيش حاجة

وبتقول إيه .. لالآلأ عـــيب لافيه تدليس ولاترقيص ولا تدبيس ولا حاجه

سمع مع هوووس انا حاسس انه فيه حاجة

دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام و ميت حاجه
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294528

ده لو يعنى إذا كان فيه حاجة

انا عن نفسى مش حاسه ولا بحاجة ولا متضايقه و لا حاجة

سعادتك برضه مش زَيـىِ مافيش حاجة

أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة

أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانّا مافيه حاجة

و رحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه

بقولك إيه خـــلاص خلّص وفركش يلا اخوانا مفيش حاجة
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:29 PM   #104
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:29 PM
افتراضي رد: واحة الشعر والشعراء

ديمولوخية
سالت جارتنا ام بهية جوزها العامل في البلدية

ما تقولي يالفندي يا جوزي معني الكلام الأرجوزي اللي قالوه في التلفزيون

ديمورقاطية..ديمورنطاطية..كلمة ما تيجي في يوم علي بال واحلف دي شتمة يا
عبدالعال

قام قالها السيد جوزها وهي بتمط في بوزها

ما تبطلوا جهل يا جدعان..ديموقراطية يا بهية..ماتفهمي بقي يا ولية

ديموقراطية ديموقراطي خاصمي الكباب عند الحاتي.. واتعشي علي كيلو حراتي و انا ابوس في قرطاس طعمية..

ديموقراطية و مقرية في صحف جرايد مطوية..بتقول نعم بكره وبعده ولحد ألفين سنة
جايه

ديموقراطية دي لعبتنا عملوها جدعان حتتنا..عشان ما تحلو صورتنا.. ويصدقوا ان
عيشتنا عايمة في بحور العسلية..

ديموقراطية ندلعها وساعات كتير نلوي دراعها..وانا مستعدة أرجعها..بس اشتري يوم عتقية
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294530

ديموقراطية ديمقراط رت وكلام كتير وبقي مرات ..
رت والكل مبسوط ومزقطط ببرباطوزو اللي منقط

من كدبه بقي ماشي يسقط..علي باب حارتنا المنسية..

ديموقراطية اتكلم قول تحيا البقول ويعيش الفول

رزق المدهول ع المسطول..والعيشة حلوة مسلية

ديموقراطية و مش هي بس الشبه عشرة المية..تسعة عشان العالمية..

وواحد لمون بالملوخية..ما تسكتي بقي يا ولية.. في داهية روحي انتي و هي

دي عشان تفوت الدورية يموت غفير عشرين ميه..واعيش خروف من غير ليه

واموت قتيل وماليش ديه..وتعيش جنابتي.ديمولوخية
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:31 PM   #105
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:31 PM
افتراضي رد: واحة الشعر والشعراء

دولة جامايكا
تعيش الحكومة ويحيا النظام..في دولة جاميكا ولاد اللئام
شعوب كل واجهة بلاد الأبلسه بتتطلب مغالطة بحق الكلام
تعيش الحكومة ولازم تعيش..تفلفص ترفص تحاول مفيش
وراكم وراكم تنشكل خطاكم تمضمض دماكم*ولا تختشيش
يعيش المواطن مهاود تعيس..مرابض ولابد في عبوه البوليس
يحافر ملامحه يغلط يسامحه..ولو عادها تاني هيصبح فطيس

تعيش الغباوة في بلاد الحمير وقطعوا صحابنا بتوع الضمير
دي حبة تناحة وسماجة وبجاحة هيعلي مقامك وتصبح وزير لأبعدية في دولة سخام
يناملي الحرامي في حضن النظام..يجيبوا عاليها وواطيها ومنفض مكبر وعارف ينام

تعيش الوزارة ومجلس لطيف..ده شئ حلو خالص وفعلا ظريف
**

تعيش الحصانة في دولة هامان وتحيا الأونطة وشغل الجنان
سلام سلمونا واجدعو وسابونا لارجعت حقوقنا ولا الدار أمان
سياسة حصاوي وبأربع رجول تبرطع وتنطح وتلجلج تقول
خلاص خلصونا وقسموا وبعونا ولو يعصرونا ننزل ديول
ديول امركاني واخر جمال..يمينها شمالها وشمالها شمال
عشان المعونة ده لو اجبرونا علي وش فيزا نشوف الهلال

ويحيا ملوك الضلال..سماسرة سياسة وحبة...
عشان المعونة ده لو اجبرونا علي وش فيزا نشوف الهلال
عشان المصالح قالولك يا فالح حقوقك مباحة ودمك حلال
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294532

ويحيا اللي عايش ورافض يموت..اهاته بتصرخ في جوف السكوت
برغم انتصارنا بنرفض حصارنا..ولو عممونا بنجمة داوود
ياحامي حما****
عبيدك بتعوي في وادي الملوك..طريق مهالك مسلك وسالك
علوجك جبانة وهيورطوك..ويحيا نظامنا علي*** ابوه
يهبش يطنش يطبش سبوه..بشوقه وراحته يفضفض ديه ساحته
محدش ليه دعوه بنظامنا وسيبوه
وهناخد طبعا ولاد الذين في دولة جاميكا وعقالته اللعينة
*
رئيس العصابة اللي ركبت فوقينا..وبحلف براسكم وراس الموساد
وفرعون موسي وارم العماد بلادنا دي اجمل واظرف بلاد
ولاتقول جاميكا ولا تقولي عاد
وتحيا شعوبنا ولازم تعيش في دنيا وعالم مابيختشيش
نعيط ننوح نطجن نشوح.. ونطلع ونطلع ونطلع ونطلع
وننزل ننزل وننزل وننزل....
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:34 PM   #106
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:34 PM
افتراضي رد: واحة الشعر والشعراء

النساء و منصب الوزارة

قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294536
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:35 PM   #107
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:35 PM
افتراضي رد: واحة الشعر والشعراء

دستور
دستور يا اخوانا يا بعدا‎
لأ سوري دستور م البعدا‎

محبوس حابس يا سيادنا‎
و بكاكي من فوق مدنة‎

و ورايا ديوك بيكاكو‎
حرصوا عالباقي معاكو‎

بركة مولانا هولاكو‎
حلت و علينا اللعنة‎

طرطور طرطر طراطير‎
بيغيروا فالدساتير‎

و لا عاد في الحتة كبير‎
و يا وارث تورث مين‎

ما الورث إتباع و إتبعنا‎
نرجع تاني لموضوعنا‎

و بيان لديار الإفتا‎
من جمهورية زفتا‎

لِعبو و عملوها إستفتا‎
صوت ياللي سامعنا‎

و قوللي ملك ولا كتابة‎
أسد شبل ف الغابة‎

و أحلف وحياة راس بابا‎
زفة فمولد كدابة‎

و الله يجازي اللي خدعنا‎
للجوكر ألف تحية


ملعون خاش الحرية‎
يحيا قانون العبودية‎

و القوانين الوضعية‎
و الحكومات الشمولية‎

لها مني ألف تحية‎
وحِياة أمي دي رجعية‎

و لو صوتنا و جَعجَعنا‎
واحد ولافيش غيره هوه‎

قاعد متربع جوة‎
و بكيفك أو بالقوة‎

لو سوبر مان و فتوة‎
روح قٌله بقى يودعنا‎

عصابات شغل فتوات‎
و استعباط على حركات‎

و السقا أبوه لو مات‎
حيقوم يسقي الشربات‎

و يكمل على مواجعنا‎
مزيكة و تَرَابَاتَّتو‎

و نفديك بالدم.. إفدوه‎
بس إحنا و رحمة أبوه‎

مين ده اللي حَيلوي دراعنا‎
روح هاتلي لمون بالصودا‎

انا حاسة بريحة شوطة‎
حيصعدوا فصل الروضة‎

و الورث حيصبح موضة‎
لم الجدعان و اتبعنا‎
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294538

على قهوة ساقية مكي‎
نصرخ نلطم و حنبكي‎

ده ناويها و بيتكتكلي‎
قبل ما حتى يودعنا‎

زقطَطُوا يا عيال قولوا هييه‎
الحكم صبح تيك أواي‎

لو عايز قول أوكيه‎
و لو رافض قول أوكيه‎

في كلا الحالتين نوو واي‏‎
غير كودية و زار ينفعنا‎

لأنا عايزة بخور م الجاوي‎
و حمار أرمل و حصاوي‎

و دراع برغوت مش غاوي‎
تنطيط عفريت و مخاوي‎

شلة مقاطيع يقطعنا‎
حابس من شر الكرسي‎

من شر عزيزة و مرسي‎
من قرص النمل الفارسي‎

م الأحياء و الأموات‎
من كايرو إلى بغداد‎

أشتات أشتوت أشتات‎
حرصوا من لعب السيكا‎

م الحكشة و م البولوتيكا‎
و لا تشمت يومًا فيكا‎

مارشيل بنت أم ماريكا‎
قول حاجة الله يهديكا‎

و ادعي معايا يخليكا‎
حِلُّوا بقى عن أوجاعنا‎

و انصرفوا عليكوا اللعنة‎
انصرفوا عليكوا اللعنة
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:37 PM   #108
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:37 PM
افتراضي رد: واحة الشعر والشعراء

البغبغان
آخر بيان للبغبغان اللي ف بلاد العم سام كان بهبهون مافهمناهوش

بعبع وقال بُقين كلام والمعني إيه ماعرفناهوش

معقول يكون البغبغان اللي تبغبغ من زمان صماويل جنابه اتلخلخوا

طول عمره سايق في الجنان والعقل عامل شقلبان قام جاب له أورطة يمغمغوا

عملوا وطن من غير بيبان اتملكوا فيه الغيلان

ووطن جعان ازاي ينام والطمعجية ف خيره ناموا وأنتخوا

والبغبغان يكره يموت يسمع سكوت المخروسين

إن قلت بم قفاك يرن عليه أيادي المحروسين

بيجرجروك أنت وذووك زي الخروف ويسمعوك يادي الكسوف لستة كلام !! ماأبوخه

والبغبغان اللي تبغبغ كل من قرب حداه اتبغبغوا

جوم طرمخوا ع الطرمخان واللي يطرمخ يبسطه وينغنغو

وف مجلس البغابيغ بنلقي البغبغان قاعد يبغبغ بالكلام يضحك وهما يسخسخوا

ماتقلش يعني البغبغان اللي ف بلاد الألعبان هوا اللي كان بيزغزغو

إلهي يهدي البغبغان واللي تبغبغ يوم معاه تقصف رقبته ودغدغو

وإلهي يوم المعمعان ألقاه هناك وكتير معاه م البغابيغ اللي افتروا يوم أو بغوا



ياخلق لأو اللأه قوموا اتلحلحوا

شوفوا الكلاب !! حتي الكلاب لو شافوا يوم واحد حرامي بينبحوا

وانتو اللي مسروق عمركم

وانتوا اللي ضايع حلمكم

ولا حتي يوم تتلحلحوا

ونصيحتي ليكم تروحوا

سبحانه من حكم عليكو البغبغان

تستاهلو ميت مليون كمان

وان شفتم مرة بغابيغ جايين عشان يبغبغوكم

اتبغبغوا

اتبغبغوا
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:49 PM   #109
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:49 PM
افتراضي رد: واحة الشعر والشعراء

سـلام مربـع
للي ربّع
او مدوّر
للي دوّر
في البلد دي ع الأمانـي
سـلام مربـع للأمانـي
وجمهورية كانـي مانـي
ولنظامها البرلمانـي
سـلام مربـع للكبير اللي استربّع
فوق دماغ مشّش و صدّع
من كـلام عمال بيرسم
دنـيا حلوة فـ الأغانـي
سـلام مربـع للأغانـي

سـلام و داير ع الصوانـي
كـلام و ماشي في ديل كـلام
ولحن تايه في الزحام
غنّى النظام علشان ننام على صوته
نمنا ما قومنا تانـي
سـلام مربـع للي ناموا ماقاموا تانـي
اللي طافوا واللي خافوا
واللي شد عليه لحافُه
وغمّى عينه ع اللي شافه
و راح يقدم للي كمم صوتنا
ولابنه التهانـي
سـلام مربـع للتهانـي

ابن وز وغصب عنا في نيل هوانا
سوا برضانا او المهانه
راح يعوم
ابن حاكم يبقي حاكم
بالوفاق او بالمحاكم
في القانون المستحيل لازم يهون
والوريث يصبح رئيس
بشكل شرعي و فـ ثوانـي
سـلام مربـع للثوانـي

تشريعات على كيف هواهم شرّعوها
وعود قالوها و ضيّعوها
و لعبة بايخة اتعودوها
ناس بترضى وناس بتخضع
ناس مُناها تحب تسمع
يبقى تسمع على مزاج
خطبة تخلق الف مصنع
خطبة تروي و خطبة تشبـع
خطبة تبنـي
فوق رمال الصحرا ألَفات المبانـي
سـلام مربـع للي بانـي

بانـي مجد عشان طموح
مجـروح جمـوح
ظالـم أنانـي
اللي علّى لاجل يعلا
واللي غنّى لاجل يغنا
واللي لما وريده يعطش
يملا بدمانا القنانـي
واللي عمّر واللي دمّر
واللي فكّك واللي سمّر
واللي حزّر واللي فزر
واللي عارض واللي هزّر
واللي شاف الباشا مصلح
واللي شافه وضيع وجانـي
سـلام مربـع للي جانـي

شيء يحزّن
لما صاحب الحق يشحت
لما لون الصدق يبهـت
لما يصبح في البلد دي
الشمال زي اليمين
شيء يحزّن.. شيء يحزّن
لما نرضى و نستكين
و لما يرقص طول السنـين
أراجوز لعيـن
بشكل سافر بهلوانـي
قال هوانـي.. وزاد هوانـي

سـلام مربـّع
للي قال انه هوانـي
وزاد هوانـي
للوعود البهلوانـي
للوريث المعجبانـي
للنظام البرلماني الكاني ماني

سـلام مربـع
للي قطّع واللي ربّع
و اللي مزّع و اللي وزّع
و اللي قلّع و اللي ولّع
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060294560
و اللي دلّع..
و اللي شخلع في البلد دي
لاجل تبقي
صورة أفظع
للنظام الامريكانـي
سـلام مربـع
للنظام المصر كانـي
ايمان بكرى

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
قديم 06-22-2011, 01:52 PM   #110
:: صحفيـــة مبدعــــة ::
 
الصورة الرمزية madona
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 06-22-2011 الساعة : 01:52 PM
افتراضي رد: واحة الشعر والشعراء

الباب بجد عاجبنى جدا اوووى مووووت ويارب الحاجات الى نزلتها تعجبكم

 


اخبار مصر - الذهب - تحويل العملات
فوركس - تجارة فوركس
توقيع

http://www.borsaegypt.com/showthread.php?t=401236
باب الاخبار الاقتصادية


madona غير متواجد حالياً

 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
أكواد HTML : معطلة
الانتقال السريع

تنبيه : هذا الموقع لا يمت بصلة لهيئة سوق المال ولا إدارة البورصة المصرية وهو موقع فردي مستقل بذاته ولا يتبع لأى نشاط تجاري ،، لذلك وجب التنويه حتى لا يختلط الامر على السادة الزوار
تحذير : أسواق المال بشكل عام عالية المخاطرة لذى ينصح عدم التداول بها إلا عن خبرة ودراية ، كما أن اراء الاعضاء والكتابات الموجودة فى المنتدى هي إجتهادات في رؤية اسواق المال ولا يلزم احد ان ينفذها كما أن كل ما هو مكتوب لا يعبر عن رأي المنتدى نهائيا وبأي شكل من الأشكال

كما تنبه إدارة منتديات مجموعة البورصة المصرية بأنها غير مسؤولة بأي وجه كان عن أي قرارات تتخذ بنـاء على توصية أو تحليل فني أو مالي من أحد من الاعضاء والكتاب .. وأن ما يُعرض في المنتدى من تحليلات أو وجهات نظر لا تُعبر إلا عن رأي صاحبها فقط وعلى مسؤوليته الشخصية .. علما بأن كل عضو في المنتدى هو المسؤول الأول والاخير عن قراراته في الشراء والبيع ..

  كورس محاسبة كورسات محاسبة المحاسب المالي المحترف محاسبة مالية وظائف خالية وظائف خالية للمحاسبين فرص عمل وظائف وظائف كلية تجارة فرص عمل للمحاسبين حازم حسن - اخبار مصر
الساعة الآن 02:53 AM.


Powered by vBulletin Copyright ©2000 - 2009, Jelsoft Enterprises Ltd
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. (Resources saved on this page: MySQL 15.38%)
من نحن   |   مجموعة البورصة المصرية  |   أعلن معنا  |   خريطة الموقع  |  سياسية الخصوصية   |   اتفاقية الاستخدام  |   اتصل بنا