Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

" قُلْ أَعُوذُ بِرَبِّ الْفَلَقِ *مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ * وَمِن شَرِّ النَّفَّاثَاتِ فِي الْعُقَدِ * وَمِن شَرِّ حَاسِدٍ إِذَا حَسَدَ ". صدق الله العظيم
عمالقة مجموعة البورصة المصرية
د السيد الغنيمىالشيخ غريبمحمد علي باشاالخبير 2000ياسر خطابكالوشامصطفى نمرةالاسيوطي
محمود 9200ateef4999محمد ناجحasra2002عبدالعزيز ابو اسكندرنجلاء نفاديeng_elsaftyمصطفى صقر خبير باسواق الفوركس


كورس محاسبة كورسات محاسبة المحاسب المالي المحترف محاسبة مالية وظائف خالية وظائف خالية للمحاسبين فرص عمل وظائف وظائف كلية تجارة فرص عمل للمحاسبين
تابعنا على فيس بوك
التحليل الفنى والمالى و المتابعة اللحظية مؤشر البورصة المصرية , التحليل الفنى و المالي للبورصة المصرية , متابعة البورصة المصرية البورصة لحظة بلحظة

مشاهدة نتائج الإستطلاع: ما هو رأيك فى هذا الباب
ممتاز 7 87.50%
جيد جدا 1 12.50%
جيد 0 0%
ضعيف 0 0%
المصوتون: 8. أنت لم تصوت في هذا الإستطلاع

إضافة رد
 
أدوات الموضوع
قديم 12-31-2010, 12:37 AM   #51
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 12:37 AM
افتراضي رد: واحة الشعر والشعراء

بالتعاون مع مجموعة البورصة المصرية


حظِك كده
للشاعر هشام الجخ
حظِك كده .. حظِك كده
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066399
مكتوب عليك تحبى واحد قلبه صدى
لا الفرحه تقدر تنعشه ولا حزن يقدر يرعشه
ولا نكته حتى تفرفشه ولا حتى خضه
مع ان قلبك من دهب مكتوب عليكى تحبى واحد قلبه فضه
حظك كده

كل البنات اللى فى حياتى قبلك أستنونى نمت وغدروا بي
عِدىَ جوابات الغرام اللى فى دولابى
شوفى كام مره اتغابيت وفتحت بابى
مره بيضه ومره سمره
دى الطويله ودى التخينه
وأردنيه ومغربيه وفى الروسيه
وفى العجوزة ..وفى الصبيه
وفى النهايه الكل بردك غدروا بيه
أحتمال العجز فيه

المهم انى خلاص ما بجتش قادر أحب تانى
جسمى نحس من السهر والانتظار ومن الاغانى.
انتى اجمل واحده حبتنى فى حياتى
رقه الكلمه فى شفايفك
الخيال اللى محاوطنى ومحصرنى وأنت غايبه
كأنى شايفك

العيون المعجزات اللى بخاف أرفع عينيه
يغضب المولى عليه
والله ما أنا عارفلى خوف
أنا ببقى خايف ربى ولا ببقى خايفك

أنتى بكر.............كل حاجه فيك بكر
الشوارع والمدرج والأمانى
جوه منك لسه بكر
أما أنا جيش من الحريم استهلكونى
يا ما رقدوا و يا ما لعبوا ويا ما سكنوا
فيه إيجار وفيه إللى ملك
وفيه خدتنى وضع يد
صبحت حكر
وأنت بكر
طب هاينفع؟
عارف أنها مش خطئتك
انى عيشتى معقده
بس اعمل ايه
حظك كده


 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 12:41 AM   #52
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 12:41 AM
افتراضي رد: واحة الشعر والشعراء



عشان غنى
للشاعر هشام الجخ
وعشان غنى ومعاه فلوس
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066403
هملتنى وراحتله
ابكى على نفسى ولا
عالمسكين اللى راحتله
ولانى راجل مليونير
والخير كتير
عليت عيونى عالبكا
وقلت اسيبهاله زكا
ودفنت ايدى فالسويتر
وابتديت اشوط الطوب
واغنى كنا نتلاقى من عشية

 
كوبرى الزمالك زى ماهو
البنات هم البنات
والولاد هم الولاد
والدرابزين الحزين
لساه رزين
والكلاكسات اللى سارحة فالودان
واللى بيوشوشها فعيونك غموض
واللى بيوشوشها فعيونك امان
بس المكان هو المكان
خمسين سنة والكوبرى
مصلوب عالطريق
لا انا كنت اول مين يحب
ولا يوم هكون اخر عشيق
وادى البنات ألوفات
مترصصين عالكوبرى
يعنى انتى اجمل واحدة فيهم؟؟
ده انتى لو كشيتى فيهم تفزعيهم
صدقيـــــنى
صبغة الكذب اللى نزلت من ملامحك
غيرت شكلك نهائى
شوشت صورتك فقلبى
بقيت ملامحك
فاستخبيت جوه دائى
جوه ابيات القصيدة

المكان هو المكان
والبنات هم البنات
فى اللى فازوا بالنهار
وفى اللى تاهوا فى البعاد
وانتى واحدة من اللى تاهو
اما انا ... فزى ما انا
وكوبرى الزمالك زى ما هو

بعيد عنك حياتى عذاب
متبعدنيش بعيد عنك
ماليش غير الدموع ......0
ام كلثوم الشقية
ضحكت عليا
سهرتنى الليل بطوله
اكتب الشعر اللى نفسك تسمعيه
وانا لاجل خاطرك مش هاقوله
وان كان حبيبك شاعر كتبيه
وابعتيلى قصايده اول باول
اه يا زمن .....يا احول
بقى ابقى حبيتك
وبقيتك عن الدنيا وما فيها
واصطفيتك
سبتلك وردة فؤادى تقطفيها
كنت فاكرك هتراعيها
وتداريها بين ضلوعك
وان مكفتهاش دموعك
من دماكى تضيًفيها
كنت فاكرك يوم ما اقول الاه
هاتخدى منى الآهة تخففيها
ولا كنت يوم يخطر عليا
انى لو مديت اديا
ليكى ممكن تكسفيها
يا ام كلثوم
الغرام محتاج حموم
قبل متغنى لقلوب الناس
تعالى نضفيها


 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 12:46 AM   #53
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 12:46 AM
افتراضي رد: واحة الشعر والشعراء



ماتزعليش
للشاعر هشام الجخ
لو يوم قالولك إنه مش باين عليه أثر الفراق
وانه مش بيجيب فى سيرتك وانه عادى
لا بان عليه أثر الفراق ولا فى خلل ولا فى اشتياق

حجاش قصيده كتبها فيكى هي دي اللى طلعتى بيها
أما هو خلاص نسيكى عادته ولا هيشتريها
واحنا قلنالك زمان مابتسمعيش... فماتزعليش

ماهو ماكانش نخوه
كان بيتأخر عليكى بالساعات

دانا لسه فاكر وقفتك وسط البنات
فاكر هدومك وابتسامتك والكلام... حتى السكات
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066405
لو كان فراقنا صحى فيكى كام وجع
أنا كل ليله بندبح من الذكريات

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 12:55 AM   #54
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 12:55 AM
افتراضي رد: واحة الشعر والشعراء



نعناع الجنينه
للشاعر هشام الجخ


يا ست البنات على ايه انتي نويتي
عايني و أنظري كيف الشباب سويتي
جرحتي القلوب و العيون بكيتي
حرام أكبر حرام جرحتي و لا داويتي
****
نعناع الجنينه المسقي في حيضانه
يوم سافر حبيبي سبت البلد علشانه
نعناع الجنينه المسقي في حيضانه
شجر الموز طرح ضلل على عيدانه
****

قالت لي بريـــدك يا وُليّد الخالـــــــة
قلبى بيعشـــــقك والروح اليك ميـّالة
من بعد العشاء زاير لبيتنا تعــــــالى
اهي فرصة ل اللقى و أشرح لأمي الحالــــة
****

الامس العصر بالحاره جيت متمشي
و ليه كل ما بتشوفيني يا حلوه تكشي
أهديكي السلام تأخدي السلام و تخشي
و الباب ذنبه أيه تكسريه فى وشي
****
نعناع الجنينه المسقي في حيضانه
شجر الموز طرح ضلل على عيدانه
****


هب النسيم و سامع نغم كلماتك
و عايز اكلمك و عامل حساب لماتك
من جهه الادب ... ادبك ادب عماتك
ومن جهه الجمال .. واخده جمال اماتك
****


و حياتك يا خولي عندي طلب و سؤال
تعيّني فى جناينك ازرع يروق الحال
و بستانك يكون الزاد ما يهمنيش المال
و لا السكن و الهدمه مادام فى راحة البال
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066413
****
نعناع الجنينه المسقي في حيضانه
شجر الموز طرح ضلل على عيدانه
****


هب النسيم و سامع نغم كلماتك
و عايز اكلمك و عامل حساب لماتك
من جهه الادب ... ادبك ادب عماتك
و من جهه الجمال .. واخده جمال اماتك
****
رايد اكلمك كل ساعة ف وَسَعتنا
من بعد الضُهُر نركب ضهَر ناقتنا
قالت نعمل ايه لو العرب شافتنا
قلت قولي وُليّد عمي و ساقته جار ساقتنا
****


سألت ايش الاسم قالوا البنات نعمات
ام صبعين رطب و الباقى بلح امهات
يوم ندهت علينا بيدها الناعمات
قلت نعمين تلاتة و اربع خمس نعمات
****
نعناع الجنينه المسقي في حيضانه
شجر الموز طرح ضلل على عيدانه
****


قالت بابا بابا ريت هناك خياله
خمسين ناقه لجح و العبيد شياله
قاللي يا بت عريسك جايلي فى القياله
ارفضله طلب و لا انتى ليه مياله
****


و العنب البناتي طالل على المحبوبة
و اللي داقه مرة ما يعرف أبدا توبة
و يعود له تاني النوبة بعد النوبة
ما دامت قسمته على الجبين مكتوبة
****
نعناع الجنينه المسقي في حيضانه
شجر الموز طرح ضلل على عيدانه
****


قالت تَقصُد ايه يا اللي انت بتغازَلنا
واقف في طريقنا لو طلعنا نزَلنا
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066413
معاهدين بعضَنا من صغرَنا و ما زلنا
ما بنفوت بعض حتى التراب يعزلنا
****


يا رايد الجمال حوّد على الخرطوم
دي بنات السودان كيف السمك بيعوم
أما بناتك يا مصر فوسطهم مبروم
يحنوا للغريب و ابن البلد محروم
****
نعناع الجنينه المسقي في حيضانه
شجر الموز طرح ضلل على عيدانه
****


سقوني السم هال علقم وقايا وقايا
و حرموني النظر من ناس يريدوا لقايا
خلاص راح العمر ايام قليله بقايا
بشكيك لله ياللي كنت السبب فى شقايا
****


ملكه و بنت ملوك و زاد جمالك ربي
و المانيكير محضر و الحنن متربي
التليفون ضرب ع السفرة .. حكمة ربي
قالت لي ألو .. قال لها أحنا جروبي
****
نعناع الجنينه المسقي في حيضانه
شجر الموز طرح ضلل على عيدانه
****


يا ام عقدٍ دهب تلاتة و تلاتين كاره
ما شالت بطن ما وردت على بكاره
قلّت عينيها فينا الكل وقعوا سكارى
و سقطت في الحليب لم بينت له عكاره
****


و حبيت لي بنيه واخده الاعدادي
قلت اسافر سنه وا رجع أوام للوادي
رجعت من السفر و رحت بيتها انادي
لقيتها اتجوزت شايله الولد بتدادي
****
نعناع الجنينه المسقي في حيضانه
شجر الموز طرح ضلل على عيدانه
****


فى جمالها ما ريت لا مسلمين لا نصارى
ريقها كالعسل كما سكر العصاره
مديت أيديا اجنى الجمال ببصاره
قالت ماستواش اخضر و جنيه خساره
****


قالت لى بريدك يا وليّد العمه
يا وردة ربيع وسط الزهور تتشمَ
ضمتها علي و حست حنان الضمه
قالت إمتى فى العش السعيد نتلمَ

****
نعناع الجنينه المسقي في حيضانه
شجر الموز طرح ضلل على عيدانه
****


يا ست البنات ما احلى الجمال الفيكي
مهما اوصف و اسوّي الوصف ما مكفيكي
الروح و الجسد تاخدي و ما يكفيكي
بسْ خلي العيون علشان تعاين فيكي
****


السبت و الأحد باب الحبيب دقيته
الأتنين و التلات سر القليب حكيته
الاربع و الخميس على المخده تكيته
و ليلة الجمعه من بعد الهزار بكيته
****
نعناع الجنينه المسقي في حيضانه
شجر الموز طرح ضلل على عيدانه
****


طول يا ليل طول انا فيك و لا نعسان
و كل ما اقول تطول تنقص تزيد نقصان
و كل ما اتذكرك يا وردة الأغصان
اجي انظر لغيرك ألقى النظر يعصاني
****


قالت يابا يابا ريت هناك خيالة
تسعين ناقة لقح والرجال شيالة
قلتلها عريسك جاني في القيالة
ارفض له الطلب و الا انتي ليه ميالة
****
نعناع الجنينه المسقي في حيضانه
شجر الموز طرح ضلل على عيدانه

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 01:01 AM   #55
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 01:01 AM
افتراضي رد: واحة الشعر والشعراء



المربعات
للشاعر هشام الجخ
فايته البنية بخلخال
تخطر كما فرع مايل
عشق البنيه يا ابو الخال
عامل في قلبي عمايل
****
و لا جابش فايده حجابك
بالعكس زانك علاوه
منعول ابوه اللي جابك
ماتقولش قالب حلاوه
****


و يا بت جمالك هبشني
و الهبشه جت في العبايه
رمان خدك دوشني
خلى فطوري عشايا
****
خايف اقوله يقول لا
و القلب عاشق وخايف
امانه تقوليله يقوله
لا ما توردي ع الشفايف
****


الدنيا ما تساوى قنديل
و لا تسوى أنك تطاطى
ما يجندل العيشه جنديل
غير صحبة أبو أصل واطى
****
يا الى أنت جايلي معاتبنى
ليه بعتنى بالخساره
و حرقت قمحى مع تبنى
ده جبن و لا جساره
****


اذا كانش صاحبك يفيدك

و العشره هانت عليه
امسح دموعك بأيدك
و أن شفته أعمل ناسيه
****
اصحاب مافي منها فايده
و لا كان لصحبتها قيمه
الغيره في قلوبها زايده
و البعد عنهم غنيمه
****


ليه يا طبيبى تاكلني
جسمي ما حامل خلايق
اروح للسبوعه تكلني
و لا حوجتى للخلايق
****
و لا حد خالى من الهم
حتى الزعف فى جريده
متجولش للندل يا عم
لو حتى روحك فى أيده
****


فيش حد خالي من الهم
حتى قلوع المراكب
اوعى تقول للندل يا عم
لو كان ع السرج راكب
****
سكت الهَوى والناموس طار
و السبع طاطا بعينه
خلينا في النومِ أستار
لما الكلب ياخد يومينه
****

على حظى أنا اتلوى الزان
لما عملته سريرى
لو يوزن القول وزان
قمحك ما يسوى شعيرى
****
جيتك على اقدامي ورامين
خلّك و ما تتبعني
طب قولي صليت ورا مين
خلاك في ليله تبعني
****


خشب المراكب من الصنت

فى البحر يأخد مكانه
واجب على الحر يلزم الصمت
لما الندل يأخد مكانه
****
زمانك زمن الكلوبه
لنض الصفيح بطلوها
في ناس كانت بلا اب
جي اليوم تحلف بأبوها
****


هبت عليا ام تاج ريح
لابسه الدهب والغواشي
ما كفايه في القلب تجريح
غيرك ماقلبي غواشي
****
خمس بنات كلموني
عزولي راح قال لابوهم
لهم نهود .....
يا بخت مين ....
****


و العشق غادر وسهمه
ياما صلبني و رماني
و عوازلي في جرحي ساهموا
يشهد عليهم زماني
****
يا طبيب تعالالي بالحق
وانظر بعينك راعيني
و لا حد رزقه على حد
بس المصايب كتيره
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066417
****


و لا يوحشك كل من غاب
و لا يطول الليل عشانه
فى زول نبوته من غاب
لكن فى ايده له شأنه
****
دنيا غروره وعجصه
و زى سمك المداور
كل زول ترقصله رقصه
و ساعة السفر لم تشاور
****


و لابد عن يوم و معلوم
تترد فيه المظالم
ابيض على كل مظلوم
و أسود على كل ظالم
****
و لا جابش فايده حجابك
بالعكس زانك علاوه
ينعل ابوه اللي جابك
ماتقولش قالب حلاوه
****


عايزني امشي معاك كيف
و انت سابقني بحصانك
و لا بس هو الدلع كيف
ما الحظ خانّي و صانك
****
بعدك ما واحد عجبني
و لا خدت صاحب بدالك
اسم كلامي اللي جابني
و ان عبت قول مابدالك
****


و دلاله زين قام عجبني
و اللي يعمله المولي ماشي
و ده شي مكتوب عجبني
و اللي يعمله المولي ماشي
****


غربي بلدنا بلد سيح
و كلابنا تمشي ورانا
مش عيب كراسي التماسيح
تقعد عليها الورانا
****


ارمى حمولك على الله
خلق الخلايق و عالّها
دنيا غروره بلاشها
و العاقل اللي وعالها
****
و يا بت جمالك هبشني
و الهبشه جت في العبايه
رمان خدك دوشني
خلى فطوري عشايا

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 01:09 AM   #56
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 01:09 AM
افتراضي رد: واحة الشعر والشعراء



قالولك
للشاعر هشام الجخ
حبك .. قد خف جملنا ما يحمل
وعرق انفار عتتغدى وترجع تاني وتكمل
قد الزرعه .. قد اللسعه وانا قاعد في ليلة برد عدفا
بحبك وانتي حبيني لاجل نسير الدفه
قالولك عني دا اسمر .. قوليلهم لونه من طينه
قالولك شعره كاركوتي .. قوليلهم وراثه عن طينه
قالولك عني مستعجل .. قوليلهم ناسه وارطينه
قالولك لخمه وبتهته .. قوليلهم علّه ولا حدش عيخلى من العلل طينه
قالولك ابوه ياما اتجوز .. قوليلهم ماله مش مالي -واني مالي- مادام مالي عيون الناس ومالي عيون نساوينه
قالولك ياما عيسافر ولا يسيبلك عناوينه .. قوليلهم صورتي منحوته في قلبه وعينه وجبينه
قالولك ايه دليل حبه .. قوليلهم اقروا دواوينه
قالولك ياما ساب قبلك .. قوليلهم دا انتوا ظالمينه
يا ريتكم زيي عارفينه
دا ساب الدنيا فوق رمشي
سيبوني اعوضه سنينه

الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066423

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 01:12 AM   #57
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 01:12 AM
افتراضي رد: واحة الشعر والشعراء



24 شارع الحجاز
للشاعر هشام الجخ
إتدلّعي .. واتبغدَدِي .. واتفاخري .. واتباهي
قولي لكل الناس ..ده عشقني والله ..
لِـمِّي العيال حواليا زِفُّـوني ..
ظاظوا عليّا وحَدِّفُوني طوب ..
ما انا اللي سِبْت عنيكي لَفُّوني ..
وانا اللي استاهل كل يوم مركوب ..

فاتدلعي .. واتبغددي .. واتفاخري .. واتباهي ..
آدي ضَحِيَّة كمان فِدا رِمشك الساهي ..
موت الضحايا جَزَايَـا .. ما انا اللي وَدِّيـتِـك ..
ولْـحَدْ حَدْ ما وَدِّتُـوش ولا حَدْ وَدِّيـتـك ..
وقَلَعْت كل سنيني على خَصْرِك ..
ضَفَّرْت شَعْرِك عِشّ جُوَّايا ..
بايَـعْت حُكمِك وابتَدِيت عَصْرِك ..
ووقَفْت ورا عرشِك ومَسَكْت هـوَّاية ..

موت الضحايا جَزَايَـا وكُلَّها ضحايا ..
مين اللي قال الحب آخره عَمَار ؟؟؟
الحب آخره نهاية في رحَاية ..
( الرحاية هي طاحونة يستخدمونها في الريف المصري )
القسوة طاحنة والحجر دوَّار ..

فاتدلعي .. واتبغددي .. واتفاخري .. واتباهي ..
واستنكري من عزتي .. واستهتري بـجاهي ..
خَلِّيني مضرب مَثَل من بعد هيبة و وزن ..
كُبَّي المرار في العسل .. واملي الفرح بالحزن ..
يعني انتي أولهم ؟؟؟ ولا انتي اول همّ ؟؟؟
ولا انتي اول سهم إتْسَنْ لي واتسمّ ؟
لو تكشفي ضهري تلقي السهام علامات ..
وانا زي زرع ف هوا وَطَّى حِيِـي وعَلا مات ..
موت العلالي شرف .. بس اسمها موتة ..
مش عدل تبقي ف ترف وانا باطفح الكوتة ..
ما يا إمَّا نَقْسَمْهُم وَخْزَة قُصَاد وخزة ..
يا إمَّا لا مواخذة .. توتة يا حدوتة ..

وابقِي اكدبي براحتِك .. واتدلعي براحتِك ..
طعم الهزيمة جِزَا للي يزور ساحتِك ..
وانا قلبي يا ما غلب .. مش عيب يبات مغلوب ..
اهو برضه فِدْتينا وكَفَّـرنا بيكي ذنوب ..
ولَـحَسْـنا من شَهْدِك وشرِبْـنا من رِيقِك ..
وسْكِرْنا من كاسِك وكَسَرْنا إبريقِك ..
وطْعِمْنَا من حُسْنِك وشْبِعنا بِـبَـريقِك ..
ومْشِينا في طَريقِك ..
ورجِعْنا مَـلْـوِ اليَدّ ..
جَرْحِي قُصَاد جَرْحِك .. ولا حد ظالم حد ..
ولا انتي فاكرانا رجالة خيبانة ؟
نبكي على النسوان ونْسِحّ في بكانا ؟
كنتي اسألي "نانا"
اللي اسمها "نانا"
يا دوب زِعِلْنا يومين واهي دنيا لاهْيَانا

ما تكدبيش ع الناس .. الناس دي عارفاني
قلبي خشب لو غطس بِيْقِب من تاني
فماتحرجيش روحِك وتقولي ده عشقني
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066424
بدال ما صاحباتك يقولك آدي دقني
حِبِّي على قَدِّك واحكي على قدك
وان جت سيرتنا ف يوم ابقي الزَمِي حَدِّك
تتدلعي ماشي .. تتبغددي ماشي
وتقولي حبني موت برضه ما يـجراشي
بس انتي من جوا فاهمة ان زمنك مات
وبقيتي زي اميرة قلبها شحات

لِفِّي على صحابي .. سِبِّـيني في غيابي
قولي ان عمرك يوم ما وقفتي على بابي
لا كَوِيتي قِمْصاني ولا جِيتِـي زُرْتِيني
وللا تعرفي مكاني ولا تعرفي تـجيني

واني يا دوب واحد دايب ف دباديبك
عامل كما عَيِّل شابط في جلاليبك
وانتي يا عيني أُف
زهقانة مني خلاص
عملتي زار بالدُّف
وسُقْتِي كُلّ الناس
وانا برضه لازِقْلِك
معلش حَظِّك كدة رَبِّك ورازِقْلِـك

روحي يا شاطرة هناك انضمي للالبوم
انا كل عشرتي بيكي 22 يوم
عملتي نفسك حكاية ؟؟
ومحبة فيَّـاضة ومَخَدَّة بَكِّاية ؟
وسهر وسُهْد وويل ؟
وبكا و غنا و مواويل ؟
في 22 ليل !!
على اي حال
شكرا وشكرا ثم شكرا للقصيدة
قَلَّما تأتيني امرأةٌ بأفكارٍ جديدة

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 01:15 AM   #58
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 01:15 AM
افتراضي رد: واحة الشعر والشعراء



حلقاتِك .. بِرجالاتِك،
للشاعر هشام الجخ
حلقاتِك .. بِرجالاتِك،
تكبرى و تحققى ذاتك،

حلقاتِك منقوشة ب فضة،
و بطُهْرِك مريم تتوضى،
يضحكلى العمر اللى انقضى،
و تحَلِّى حياتى بحياتك،

على لعبك على سقفة ايدك
على حبيك على صوت تغريدك
على كراستك على اناشيدك
و تعيشى و تكتر طلباتك

حلقاتِك، حلقات حلقات،
نكبر و تهون المسافات،
و نلِفْ وَرَا التعلب فات،
و تحِبِّى دروسِك و صلاتِك،
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066427

يوم عُرْسِك هَيدَبِّح فيا،
هاضرُب لك نار ل الصبحية،
و راح ابكى و الناس ملهية
مشغولة بفرحِك، و حاجاتِك

و تعيشى جميلة و تترسمى
و تسمى عيالك على اسمى
تفتكرى ابوكى و تبتسمى
هنا جابلك لعبة هنا شالك

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 01:19 AM   #59
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 01:19 AM
افتراضي رد: واحة الشعر والشعراء



حمارين حبيبة
للشاعر هشام الجخ
وبقولها انا انت
وانت انا
مين الحمار فينا
انا اللى حمار ولا الحب
اللى نازل رجرجة فينا
طب انت انا ... وانا انت
وجه فينا اللى جه فينا
حظوظ الناس مصالحاهم
وحظنا ليه مجافينا
طظ يا حظ يا ملاوع
هحبها ويكش تولع نار
هاكونلها بر وسفينة
هنتحمل وهنكيدك
ونضحك رغم ما فينا
وشوف غيرنا يا حظ خلاص
مفيش والله رجا فينا
ده انا انت وانت انا
طب مين حمار فينا

 
حمار الليل مطولش
فيوم السهرة والزينة
حمار الواد بتاع اللب
فاكرة يوميها عالكورنيش
قطع احلامى وكلامى
عن الترحال ويوم سفرى
ويوم ملقاكى عالمينا
حمارة صاحبتك لما
بتمشى معاكى فالشارع
يبان حسنك يغطيها
يخللى شكلها شوارع
بحبك ظايطة فاللمة
واحب اللمة فعنيكى
وبفرح كل يوم لما
تسافر ايدى فايديكى
ياعم حسين يا ملقانا
يا شاهد فرحى وشقانا
انا اللى حمار ولا هى
ولا الحب اللى ورانا

 
حمارة سياسة التعليم
فدى الدولة
وقال تعليمك العالى
ياولدى يبقى ليك اولى
بقالى سنين انع يا ناس
مابين ثانوى وبين جامعة
اقول ابنى سحابة شوق
تاخدنا لفوق
وتبقى هى دى الجانعة
هاتجمعنا لوحدينا
تدارى كسوفها منينا
وانا فصدرك .. وانتى فحضنى
نرجع تانى نتلخبط
ما نعرف مين حمار فينا

 
ساعات اقعد مع نفسى
فليلة صيف وبلكونة
وقمراية ونص سيجارة
اروج حبة عن نفسى
وكام نظرة على اشارة
يطيروا منى للجارة
لو انتى جيرانا لزقالنا
وكاشف بيتكوا شباكنا
ماكنتش اكره الشقة ولا القعدة
هاشوفك كل يوم نايمة
وهشوفك كل يوم قاعدة
انا شايفك وشايفانى
وصوتنا موصله التليفون
اكن الكون بقى بتاعى
او احنا وبس جوه الكون
لكن حظى التعيس دايما
مخللى عمارة ولا اتنين
مابين بيتى وبين بيتك
وداروا بيتى عن بيتك
بس انا عرفت الحمار الان
فلان احمد فلان
عشان سايب كل المكان
وبانى عمايره وسطينا
وساب روحى تروح روحك
ويتلاقوا فنص السكة
مابينك وبين الكون
يطيروا فالهوا حبة
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060066429
يدوبوا حب ومحبة
ابصلهم يا وخدانى
وقلبى صافى ومزقطط
وارجع تانى واتلخبط
ولا اعرف مين حمار فينا

 
بحبك نانا او ناعسة
بحبك ليلى او المظ
نعيمة .. تمر حناية
بحبك وانتى بالمينى جيب
واحبك شال ودلاية
بحبك وانتى فالتليفون وفالجوابات
بحبك ...... وانتى ويايا
بحبك بت حكاية ورغاية
تصحى سكوتى جوايا
تلاعبينى واغمى عيونك السودة
صوابع ايدك الممدودة
بتدور على حضنى وتتدور
كسوفك عنى حايشنى وحاششنى
وطيش حبك مطيشنى
كفاية تعبت مالطيشان
مفيش مرسى يدفينا
ايديكى تنام على صدرى
فحتة يدوب تكفينا
وليل نعسان يغطينا
تغير الشمس منينا
تصحينا
يهيج قلبى ويتخبط
وارجع تانى واتلخبط
ولا اعرف مين حمار فينا

 
بحبك طايشة جواية
مسافرة ضلوعى فضلوعك
وانا طوعك
يزلزل صوتك الزلزال ويحينى
يخلينى انا ... عصفور فشباكك
يا ناشرة فالمدى شباكك
ايديكى يوم ما ضمتنى
حضنت الكون بكفة ايد
وبالتانية سندت القلب فمكانه
بحبك .... يااااااااااااه .....
يا نار فالقلب نوارة
انا حمار اللى حبيتك
وخليتك بحبى حمارة
يــــا حمــــــارة

 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
قديم 12-31-2010, 03:54 PM   #60
المدير العام
 
الصورة الرمزية الحاج الشرقاوى
كاتب الموضوع : الحاج الشرقاوى المنتدى : التحليل الفنى والمالى و المتابعة اللحظية قديم بتاريخ : 12-31-2010 الساعة : 03:54 PM
افتراضي رد: واحة الشعر والشعراء



سوف يرحل هذآ آلعآم بكل مآ حدث فيه من لحظآت . سعيدة كآنت آو حزينه
ولا شك أننا جميعاً نحمل
ذكريات كثيرة ...
مرت علينا خلال 360 يوماً
مضت علينا وسوف تصبح في عقولنآ وقلوبنآ . .
...
إنها رحلة 360 يوماً
دورنا خلالها ...
في دائرة حملت 360 درجة
وكل درجة كان لنا فيها ...
معنى وموقف وفكرة
الموضوع الأصلى من هنا: مجموعة البورصة المصرية http://www.BORSAEGYPT.com/showthread.php?p=1060067256
إنها الدائرة التي ندور في فلكها كل يوم
هناك الاحزن وهناك الافراح
فنحن في بداية عام جديد
لذلك انسي او تناسى الاحزان وعشت الحياة
لعله يكون عام الفرح والابتسامة
وعذرا
آن قصرت في حق شخص منكم آو آخطآت !
واتمنى
ان يكون العام الجديد 2011م عام سعيد عليكم جميعاً
دمتم بكل خير
منقول

مع تحياتى
الحاج الشرقاوى


 


اخبار مصر - الذهب - تحويل العملات
فوركس - تجارة فوركس
توقيع

الحاج الشرقاوى
[email protected]
باب نقاط الاسهم المقاومه والدعم
http://www.borsaegypt.com/showthread.php?t=317993

باب افلام كارتون لحبايبنا الحلوين
http://www.borsaegypt.com/showthread.php?t=390208
باب واحة الشعر والشعراء
http://www.borsaegypt.com/showthread.php?t=736717

شـكــ وبارك الله فيك ـــرا ... لك مني أجمل تحية .

الحاج الشرقاوى غير متواجد حالياً

 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
أكواد HTML : معطلة
الانتقال السريع

تنبيه : هذا الموقع لا يمت بصلة لهيئة سوق المال ولا إدارة البورصة المصرية وهو موقع فردي مستقل بذاته ولا يتبع لأى نشاط تجاري ،، لذلك وجب التنويه حتى لا يختلط الامر على السادة الزوار
تحذير : أسواق المال بشكل عام عالية المخاطرة لذى ينصح عدم التداول بها إلا عن خبرة ودراية ، كما أن اراء الاعضاء والكتابات الموجودة فى المنتدى هي إجتهادات في رؤية اسواق المال ولا يلزم احد ان ينفذها كما أن كل ما هو مكتوب لا يعبر عن رأي المنتدى نهائيا وبأي شكل من الأشكال

كما تنبه إدارة منتديات مجموعة البورصة المصرية بأنها غير مسؤولة بأي وجه كان عن أي قرارات تتخذ بنـاء على توصية أو تحليل فني أو مالي من أحد من الاعضاء والكتاب .. وأن ما يُعرض في المنتدى من تحليلات أو وجهات نظر لا تُعبر إلا عن رأي صاحبها فقط وعلى مسؤوليته الشخصية .. علما بأن كل عضو في المنتدى هو المسؤول الأول والاخير عن قراراته في الشراء والبيع ..

  كورس محاسبة كورسات محاسبة المحاسب المالي المحترف محاسبة مالية وظائف خالية وظائف خالية للمحاسبين فرص عمل وظائف وظائف كلية تجارة فرص عمل للمحاسبين حازم حسن - اخبار مصر
الساعة الآن 02:23 PM.


Powered by vBulletin Copyright ©2000 - 2009, Jelsoft Enterprises Ltd
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. (Resources saved on this page: MySQL 15.38%)
من نحن   |   مجموعة البورصة المصرية  |   أعلن معنا  |   خريطة الموقع  |  سياسية الخصوصية   |   اتفاقية الاستخدام  |   اتصل بنا